Ribadeo, 13 de febreiro de 2026. O alcalde de Ribadeo, Dani Vega, agradece a colaboración da Consellería do Mar e de Portos de Galicia para proceder á mellora da rúa Buenos Aires. As obras comezarán en breve. Marta Villaverde e José Antonio Álvarez visitaron hoxe o porto ribadense para dar a coñecer o proxecto de auditoría enerxética que está a levar adiante Recursos de Galicia.
O rexedor contou: “visítanos a conselleira do Mar e agradecemos moitísimo a súa visita, é verdade que estamos a facer moitas cousas conxuntamente coa Consellería, con Portos de Galicia, e esta é unha visita tamén para poñer en valor toda unha industria que temos en Ribadeo. Visitamos o grupo Nogar, estamos a traballar Xunta, Concello e o propio grupo para a eficiencia enerxética, para poñer en valor toda esa inversión de enxeñería, de colaboración económica e poñer de manifesto que as empresas tamén entran nesa profesionalización e nesa mellora da eficiencia enerxética a través da enxeñería, a través de plataformas dixitais utilizando ferramentas de vangarda, modelos produtivos de consumo, de almacenamento e de rendabilidade”.
Vega dixo: “baixo estes criterios as empresas poden solicitar a colaboración da administración, unha colaboración entre Xunta e empresas, e polo tanto disto é do que nos beneficiamos tamén os concellos. Sen modelos produtivos, sen modelos económicos, sen empresa, non pode ser posible tampouco a creación de emprego. Ribadeo, que traballa nunha estratexia para poñer de manifesto que os sectores produtivos, que a vivenda, que os servizos básicos fundamentais entran todos nunha estratexia conxunta de municipio.
Agradecemos a colaboración da Consellería, dámoslles as grazas a todas as empresas por seguir apostando por Ribadeo, por seguir apostando por esta comarca”.
O alcalde subliñou: “e tamén agradecemos á Consellería do Mar a colaboración económica para renovar toda a Rúa Buenos Aires. Son 450.000 euros, xa está adxudicada a obra a unha empresa local de Ribadeo e en breve comezarán as obras. Evidentemente, cando hai unhas obras hai molestias, cáusase sempre algún tipo de confusión, xa que algunha persoa se vai atopar coa rúa cortada, pero hai que pensar que é por mellorar unha rúa que está destrozada, tanto o pavimento como as beirarrúas, carece dunha rede de saneamento e de abastecemento de auga. Eu creo que renovar e mellorar as infraestruturas, como facemos noutros puntos, é a liña que hai que seguir. Non podemos ir todo rápido que queremos porque evidentemente os recursos son os que son, pero neste caso, coa colaboración da Xunta, que agradecemos moitísimo, unha colaboración de 450.000 euros, 100 % financiada pola Xunta, ao Concello evidentemente axúdalle moitísimo”.
Dani Vega engadiu: “vamos seguir colaborando, vamos seguir xestionando moito orzamento para o noso Ribadeo e agradecemos á conselleira todo o traballo, como tamén, lle agradezo ao anterior conselleiro Alfonso Villares esta colaboración, porque cando empecei a xestionar isto, el estaba de conselleiro. Agradézolle todo o que traballou por Ribadeo durante a súa etapa e vamos seguir colaborando con esta Consellería e con esta conselleira”.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
