A portavoz nacional do BNG advirte de que, a pesar do rexeitamento ao proxecto industrial: “Non renunciamos a sacar a luz o acordo segredo que o goberno de Rueda asinou con Altri, a través dunha sociedade pública”
Santiago de Compostela, 21 febreiro 2026. A portavoz nacional do BNG, Ana Pontón, cualificou o día de onte como “un gran éxito do pobo galego” o rexeitamento ao proxecto industrial en Palas de Rei, poñendo o foco na mobilización social como a chave que fixo posible frear a “bomba ambiental”, como era Altri.
Pontón celebrou que “o carpetazo a Altri foi un éxito rotundo do pobo galego”, ao tempo que cargou duramente contra a xestión do presidente da Xunta, Alfonso Rueda, a quen acusou de actuar como “delegado comercial de Altri en Galiza”. Segundo a líder nacionalista, este episodio supón “un fracaso absoluto de Rueda, dun goberno do PP que traballa para as multinacionais e para as empresas amigas”.
Para Pontón, o desenlace do proxecto representa unha vitoria colectiva: “Rueda perde, pero gaña Galiza, gaña a xente do rural e a xente do mar e gaña o conxunto do País. Gaña a dignidade do pobo galego fronte á indignidade dun goberno desleal que intentou traizoalo”.
Exixencia de transparencia
Máis aló da celebración, a portavoz nacional do BNG deixou claro que a súa formación non dará por pechado o asunto sen esclarecer todos os detalles da negociación da Xunta coa multinacional lusa. “Non renunciamos a sacar a luz o acordo segredo que o goberno de Rueda asinou con Altri, a través dunha sociedade pública”, advertiu.
Pontón fixo fincapé no dereito da cidadanía a coñecer “que esconde ese acordo, en que condicións se asinou e que consecuencias ten”. A este respecto, lembrou que o PP leva “dous anos agochando esa información e esa documentación”, o que obrigou ao BNG a acudir á vía xudicial. “O Tribunal Superior de Xustiza xa admitiu a trámite a demanda do BNG”, confirmou.
“Queremos e exiximos transparencia e reto a Rueda a que, se non ten nada que esconder, rectifique e aporte esa documentación. É o mínimo que lle debe á cidadanía galega despois destes anos de mentiras e de enganos sobre Altri”.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
