O prazo de presentación dos traballos pechará o 30 de xuño
Viveiro, 21 de febreiro de 2025. O Concello de Viveiro ven de convocar a oitava edición do Premio de Novela Vilar Ponte, un certame literario que pretende darlle pulo á narrativa en lingua galega. O concurso establece dous galardóns: un primeiro premio dotado con 4.000 euros e un segundo premio de 1.000 euros.
No Premios de Novela Vilar Ponte poderán participar persoas maiores de idade que presenten novelas orixinais e inéditas, escritas en galego e que non fosen premiadas noutros certames. A temática e a extensión son libres. Cada autor ou autora poderá presentar unha única obra.
As novelas deberán presentarse por cuadriplicado, mecanografadas a dobre espazo en follas DIN A4, e asinadas cun lema ou pseudónimo. Xunto aos exemplares que se presenten, incluirase un sobre pechado no que figure no exterior o mesmo lema ou pseudónimo e, no interior, os datos persoais e de contacto do autor ou autora, unha breve nota biográfica e unha declaración de aceptación das bases.
Os orixinais deberán entregarse no Rexistro Xeral do Concello de Viveiro, na Praza Maior s/n, 27850 Viveiro, de luns a venres, en horario de 9.00 a 14.00 horas, ou por calquera dos medios previstos na normativa vixente. O prazo de presentación remata o 30 de xuño.
O xurado estará composto por persoas de recoñecida competencia no ámbito da literatura e da crítica. O fallo farase público no mes de outubro. Ademais, o premio poderá declararse deserto e a decisión do xurado será inapelable.
As obras presentadas e que non resulten premiadas serán destruídas. As que sexan premiadas quedarán en poder do Concello de Viveiro. A autoría e os dereitos das obras premiadas pertencen aos autores, que deberán facer constar que gañaron o premio en futuras edicións, publicacións ou difusións.
As bases completas do VIII Premio de Novela Vilar Ponte poden consultarse na web viveiro.gal.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
