Vegadeo, 26 de febreiro de 2026. Vegadeo volverá ser protagonista no panorama deportivo rexional coa celebración da Volta a Asturias 2026, que incluirá unha etapa con chegada ao concello.
A competición, que comezará o vindeiro 23 de abril en Oviedo e rematará na céntrica rúa Uría da capital asturiana, regresará ao Occidente. En concreto, a terceira etapa sairá de Figueras (Castropol) e finalizará en Vegadeo, consolidando así o municipio como punto estratéxico dentro do percorrido.
Aínda que a organización non fixo públicos todos os detalles do trazado, si confirmou que o pelotón discorrerá pola costa e por enclaves de gran valor paisaxístico da comarca Oscos-Eo, dentro da Reserva da Biosfera Río Eo, Oscos e Terras do Burón.
Desde o Concello de Vegadeo valórase moi positivamente que o municipio volva formar parte desta proba histórica do calendario ciclista, xa que supón unha importante proxección deportiva, turística e económica para a vila e para toda a comarca.
Nas próximas semanas daranse a coñecer máis detalles organizativos e actividades paralelas vinculadas a este evento deportivo.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
