Foz, 26 de febreiro de 2026. O delegado territorial da Xunta, Javier Arias, acudiu hoxe ao IES de Foz para acompañar aos participantes no XVIII Campionato Internacional de Baristas de Escolas de Hostalería e no XIII Certame Internacional de Cata de Cafés.
O certame de baristas rexistra este ano un récord de participación, coa presenza de 26 centros educativos de 14 comunidades autónomas españolas, así como de Italia e Portugal, consolidándose como unha cita de referencia no ámbito da formación en hostalería. Pola súa banda, ao certame de cata de cafés concorren 21 participantes.
Arias felicitou ao instituto polo éxito e prestixio destes campionatos, “que contribúen a exaltar e impulsar o talento da nova xeración de profesionais que se forman nos ciclos de Hostalería, ao tempo que reforza a conexión da Formación Profesional coa realidade do sector”.
Nese sentido, subliñou que a Xunta duplicou nos últimos anos a oferta de Formación Profesional relacionada con estas actividades e co turismo, “sectores con gran peso na economía galega e cunha importante demanda de persoal cualificado”.
O delegado destacou tamén a singularidade do IES de Foz, como único centro formativo de España que conta cunha Aula Tecnolóxica de Torrado de Café. Trátase dun recurso pioneiro, impulsado pola Xunta, “que permite ao alumnado coñecer o proceso completo do café, desde o tratamento do gran ata a preparación final do produto, mellorando así a súa cualificación e empregabilidade”.
Os certames continuarán mañá coa celebración das últimas probas e a entrega de premios. Ademais, a cita inclúe diferentes actividades paralelas como degustacións de cafés a cargo de baristas profesionais.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
