Ribadeo, 4 de marzo de 2026. As obras da rúa Reinante marchan a bo ritmo. O alcalde, Dani Vega, subliñou que estes traballos conviven perfectamente coa actividade comercial. O investimento ascende a 90.000 euros.
O rexedor dixo que “avanzan a moi bo ritmo as obras na rúa Reinante. Estamos moi satisfeitos dos traballos que se están a realizar. Conviven perfectamente coa actividade comercial, co dinamismo que ten Ribadeo. Evidentemente, tiñamos que poñerlle fin a ese traballo que se estaba a facer de parcheos e arranxos puntuais. Había que renovar a rúa Reinante”.
Vega explicou que “se trata dunha obra que ten un orzamento de máis de 90.000 euros e evidentemente fíxose o traballo de demolición, o movemento de terras, saneamento, abastecemento de auga, os solados, que aí eliminouse todo o adoquín que estaba roto e destrozado, substituíuse por pavimento de formigón e malla, e agora queda perfectamente soldado, ben colocado”.
O alcalde ribadense seguiu a relatar: “tamén fixemos unha canaleta para recoller perfectamente as augas. Iso está na parte da rúa que está máis preto da capela da Orde Terceira. Tamén vai haber certos arranxos no alumeado e na xestión de todos os residuos. Trátase dun traballo que está perfectamente coordinado, un traballo polo que tamén hai que felicitar aos técnicos municipais, tanto a Carlos como tamén a empresa que está facendo a obra, xa que non está dando ningún tipo de problema”.
Dani Vega comentou que “cando hai unha obra, evidentemente non poden saír os vehículos, está o tráfico cerrado, iso é algo normal. Pedimos disculpas, pero tamén pedimos que se nos entenda, é dicir para que queden ben as cousas ten que haber ese espazo no tempo para que agarre ben o adoquín, é dicir que non conviva o tráfico rodado coa obra, porque senón sería completamente un desastre. Sendo conscientes de que se causan molestias, tamén pedimos comprensión”.
E subliñou: “é unha obra fundamental, unha obra que tiñamos moitas ganas de comezar, avanza a moi bo ritmo e vamos seguir nesa liña de inversión, de xestión para que Ribadeo siga avanzando”.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
