Ribadeo, 11 de marzo, 2026. O BNG de Ribadeo celebra a resolución emitida pola Valedora do Pobo, que lle dá a razón fronte ao goberno municipal do Partido Popular por negar o acceso á información municipal á que o grupo nacionalista ten dereito como parte da oposición.
A queixa fora presentada polo BNG tras constatar dificultades reiteradas e negativas continuadas por parte do executivo local para facilitar documentación relacionada con Rdiversos asuntos da xestión municipal, entre eles facturas, expedientes e información sobre empresas e servizos contratados polo Concello.
A resolución da Valedora do Pobo recoñece que o grupo municipal do BNG viu vulnerado o seu dereito de acceso á información, imprescindible para exercer a súa función de control e fiscalización do goberno local.
O portavoz do BNG de Ribadeo, Martín Graña, afirmou que esta resolución “confirma o que levamos denunciando desde hai tempo: o goberno do PP está a poñer trabas sistemáticas á transparencia e ao dereito da oposición a acceder á información municipal”.
Graña lembrou que “o acceso á información non é un favor que concede o alcalde, senón un dereito democrático fundamental para garantir o control da acción de goberno e defender os intereses da veciñanza”.
O BNG tamén cuestiona se esta actitude de bloqueo responde a algún interese en ocultar información. “Cando se poñen tantas dificultades para acceder á información pública, é inevitable preguntarse se hai algo que non se quere que se coñeza”, apuntou o portavoz.
A formación nacionalista anunciou que volverá solicitar acceso aos expedientes relacionados co Hospital-Asilo de Ribadeo, despois de que o goberno municipal lles denegase esa documentación a pasada semana. “Imos volver pedila porque temos dereito a consultala e porque é a nosa responsabilidade como oposición”, explicou Graña.
O BNG conclúe advertindo que, se o goberno municipal persiste na súa negativa, volverán acudir á Valedora do Pobo para defender os dereitos democráticos da oposición e garantir a transparencia na xestión municipal.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
