A Presidenta provincial participou este luns na presentación desta cita, que se celebrará este sábado no campo da festa de Negradas e que organiza a Asociación cultural Os do 21, entidade coa que a institución provincial colabora con 21.000€
Lugo, 19 de marzo de 2026. A Presidenta da Deputación de Lugo, Carmela López Moreno, participou este luns na Casa da Cultura do Vicedo na presentación do II Serán, a cita que se celebrará no campo da festa da parroquia de Negradas este sábado, 21 de marzo. O evento, que inclúe unha ampla e variada programación, está organizado pola Asociación cultural Os do 21, entidade coa que a institución provincial mantén un importante compromiso achegando 21.000€ para financiar actividades coma esta e colaborar cos gastos de mantemento do colectivo.
Carmela López puxo en valor que “a Deputación é o concello dos concellos” e destacou que “apoiar o rural é unha das principais liñas de acción que vertebra o noso Goberno. Por iso, estamos ao carón de entidades coma esta, para que poidan desenvolver actividades que dinamicen as nosas parroquias e contribúan a manter vivas as nosas tradicións”.
Nese sentido, a mandataria agradeceu o esforzo desta Asociación que leva máis de 40 anos realizando diversas iniciativas para fomentar a música e o baile tradicional da man “dos seus grupos compostos tanto por nenos como por adultos”. Recordou ademais que “é a única agrupación deste tipo no concello do Vicedo”.
A programación que hai prevista para celebrar o II Serán inclúe un obradoiro de percusión que impartirá Óscar Fojo, dirixido tanto a público adulto como infantil; un concerto do Grupo Os Carecos; música e baile tradicional da man dos Acordeonistas da Mariña ou Os Netos do Escribano; e unha comida popular, entre outras propostas. Ao acto de presentación desta cita tamén asistiu a presidenta da Asociación, Noelia Piñeiro García, acompañada doutros membros do colectivo, así como outras autoridades.
Apoio ao colectivo
A colaboración con asociación cultural Os do 21 serve para apoiar a súa actividade, como o mantemento das instalacións, a indumentaria e materiais para as actividades culturais, o transporte, a elaboración de carteis para dar publicidade ás súas iniciativas, servizos de asesoría ou os seguros de responsabilidade civil.
Na actualidade, a agrupación folclórica é a única asociación destas características no concello do Vicedo e conta con diferentes grupos segundo as idades dos seus integrantes: As Folerpas, con nenos e nenas de entre 6 e 12 anos; As Faiscas, para mozos e mozas de entre 12 e 15 anos; As Ferriñas, entre 14 e 22 anos; As Furelas, grupo de iniciación para persoas adultas; e Os do 21, que é o grupo adulto.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
