O Vicedo, 26 de marzo de 2025. No pleno celebrado onte, o BNG presentou unha moción para a creación dun parque público entre a rúa Francisco Vilasuso e a rúa do Porto, concibido como un espazo de lecer moderno, seguro e pensado para todas as idades. A iniciativa buscaba promover hábitos de vida saudables e favorecer a convivencia entre nenos, mozos e persoas maiores.
Durante o debate, o PP presentou unha enmenda á totalidade, que —segundo o BNG— desvirtuou por completo a proposta inicial. A moción acabou aprobándose, pero substituída pola emenda popular, que se limita a “estudar a posibilidade” da creación do parque. Para o BNG, esta formulación evidencia que “non existe vontade real por parte do PP nin do señor Novo de construír o parque”.
O BNG acusa o PP de bloquear propostas e carecer de proxecto para O Vicedo
O portavoz do BNG, Miguel Gómez, afirmou que “o goberno do PP non só non ten proxecto para O Vicedo, senón que bloquea sistematicamente todas e cada unha das propostas que presentamos, tentando silenciarnos e desanimar á veciñanza que quere un Vicedo vivo e moderno”.
O grupo nacionalista tamén lamentou que o PP non quixese debater nin comentar outras propostas e rogos presentados no pleno, como o rexistro oficial das marcas do Concello, medidas de seguridade na rúa Francisco Vilasuso ou os cortes de luz nas parroquias. “Isto fainos sospeitar que ou ben descoñecían estes asuntos ou ben non teñen ningún interese nas melloras que propoñemos para o noso concello”, engadiu Gómez.
O BNG reivindica ter proxecto e anuncia que seguirá traballando por un Vicedo con futuro
Os nacionalistas aseguran que continuarán presentando iniciativas e defendéndoas onde sexa necesario. “O noso grupo ten proxecto porque non só propón medidas para o presente, senón tamén ideas de futuro para O Vicedo. Queremos sentar as bases dun concello con oportunidades para as xeracións vindeiras”, sinalaron.
O BNG conclúe que, se o PP “non ten interese en crear infraestruturas e servizos no Vicedo”, eles seguirán traballando e, de obter apoio suficiente nas eleccións de 2027, comprométense a impulsar estas propostas desde o goberno municipal.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
