Ribadeo, 29 de abril de 2026. Ribadeo será escenario do 22 ao 27 de xuño do Campus de Tecnificación Breogán The Basket Dream.
Este verán Ribadeo acollerá unha semana dedicada ao baloncesto, á aprendizaxe e á convivencia, deseñada para que os mozos e mozas se desenvolvan a través do deporte, compartindo valores, creando amizades e vivindo experiencias inesquecibles.
O campus ofrece tres modalidades adaptadas ás necesidades dos participantes:
Intensiva (10:00 – 14:00)
Enfocada no desenvolvemento técnico individual, inclúe traballo específico de fundamentos, adestramento por posicións, competicións e retos, co obxectivo de potenciar a mellora individual de cada xogador/a.
Externa (10:00 – 19:00)
Combina o traballo de tecnificación cunha experiencia máis completa. Inclúe adestramentos, comida, competicións e actividades complementarias como torneo 3×3, excursión á Praia das Catedrais e actividade de surf, ademais de espazos para a convivencia e a creación de novas amizades.
Interna
Pensada para quen desexe vivir unha experiencia integral. Inclúe aloxamento e pensión completa, adestramentos diarios, tecnificación individualizada, torneo 3×3, excursión á Praia das Catedrais, actividade de surf, gymkana, competicións e múltiples actividades complementarias, fomentando a convivencia continua entre xogadores e adestradores.
O campus contará coa participación de xogadores profesionais, que compartirán a súa experiencia cos participantes nun entorno baseado na aprendizaxe, o respecto, o compañeirismo e a paixón polo baloncesto.
As persoas interesadas en participar poden realizar as inscricións e obter máis información en www.thebasketdream.com, no teléfono 684 651 509 ou no correo electrónico: info@thebasketdream.com
O Campus de Tecnificación Breogán The Basket Dream foi presentado polo alcalde, Dani Vega, polo concelleiro de Deportes, Francisco José Silvent, o técnico municipal de Deportes, Iván López, e Alberto Carmona, axente de The Basket Dream.
Silvent anima “a todas as rapazas e rapaces que practican baloncesto a aproveitar esta oportunidade, que volve a Ribadeo, para perfeccionar as súas técnicas con adestramentos e competicións, ademais de gozar de diferentes actividades complementarias. É unha boa ocasión para compartir valores, experiencias e amizades”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
