Cervo, 30 de marzo do 2026. O Concello de Cervo foi distinguido este pasado venres na Gala do Atletismo Galego 2025, organizada pola Federación Galega de Atletismo, nun acto que reuniu en Santiago aos principais protagonistas deste deporte en Galicia para recoñecer o traballo desenvolvido ao longo do último ano.
A rexedora, Dolores García Caramés, participou activamente na gala, facendo entrega de varios recoñecementos e recollendo tamén a distinción concedida ao Concello de Cervo como entidade destacada na promoción do atletismo galego.
Este galardón pon en valor a implicación do municipio no impulso do deporte base, a súa colaboración co programa XOGADE e a organización de eventos de referencia como o Desafío Cervo ou o I Encontro Cantábrico de Atletismo.
A alcaldesa agradeceu á Federación este recoñecemento e destacou que “é un orgullo para Cervo recibir esta distinción, que é froito do traballo conxunto de clubs, deportistas, familias e de todo un municipio comprometido co deporte”.
Caramés subliñou ademais que “seguiremos apostando polo atletismo e polo deporte base como ferramentas fundamentais para fomentar hábitos saudables e valores entre a nosa mocidade”, ao tempo que puxo en valor a calidade das instalacións municipais e a capacidade organizativa do Concello, da man das diferentes entidades e clubs, para acoller competicións de primeiro nivel.
Neste senso, avanzou que o Concello de Cervo continuará sendo escenario de citas destacadas, lembrando que xa este próximo domingo as pistas municipais acollerán o II Encontro Cantábrico de fondo, consolidando así o municipio como un referente na organización de probas atléticas en Galicia.
A rexedora tamén tivo palabras de agradecemento para todas as persoas e entidades que fan posible o crecemento do atletismo en Cervo, destacando o papel dos clubs locais –o Maderas Barcia Cervo e a sección de ateltismo do CD San Ciprián- e incidindo en que este tipo de recoñecementos “animan a continuar traballando na mesma liña, reforzando o apoio ao deporte e promovendo iniciativas que sitúen a Cervo como un referente en Galicia”.
A Gala do Atletismo Galego volveu reunir nun mesmo escenario a deportistas, técnicos, xuíces e institucións, recoñecendo o esforzo e os éxitos acadados ao longo da tempada e consolidándose como unha cita clave no calendario deportivo galego.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
