Tapia de Casariego, 26 de marzo de 2026. O Concello de Tapia de Casariego celebrou o pasado 30 de marzo unha sesión ordinaria do Pleno municipal, na que se adoptaron diversos acordos de relevancia para o municipio, centrados principalmente na mellora das infraestruturas e dos servizos públicos.
Entre os puntos abordados, deuse conta da liquidación do orzamento municipal de 2025, que presenta un superávit de 240.000 euros e sitúa o remanente de tesouraría nun total de 1.062.000 euros. Esta situación económica saneada permite afrontar novas actuacións de investimento.
Así mesmo, o Pleno aprobou a execución de varias intervencións con cargo a un crédito extraordinario financiado mediante o remanente de tesouraría, que permitirán seguir avanzando na mellora dos espazos públicos, das instalacións educativas e do medio rural.
As actuacións aprobadas son as seguintes:
• Renovación integral do pavimento e dos servizos na rúa Sacramento (San Sebastián) e na rúa Valentín Fernández (San Blas), cun investimento de 48.000 euros en cada unha delas.
• Pavimentación da entrada e do patio interior do CEIP Príncipe de Asturias, cun orzamento de 39.000 euros, mellorando así as condicións de uso e seguridade do centro educativo.
• Acondicionamento de pistas agrarias en Serantes e Campos, cun investimento de 40.000 euros, co obxectivo de facilitar a actividade do sector primario e mellorar os accesos no medio rural.
• Mellora da eficiencia enerxética do alumeado público na rúa Conrado Villar, cun investimento de 18.000 euros, apostando por un modelo máis sostible mediante a substitución das luminarias actuais por tecnoloxía LED.
Ademais, o Pleno aprobou a designación dos festivos locais para o ano 2027, que serán:
• Venres 16 de xullo, festividade da Nosa Señora do Carme.
• Martes 29 de xuño, festividade de San Pedro.
Con estes acordos, o Concello de Tapia de Casariego continúa impulsando investimentos que contribúen a mellorar a calidade de vida da cidadanía, reforzar os servizos públicos e atender as necesidades tanto do ámbito urbano como do rural.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
