A conselleira subliñou o compromiso da Xunta co sector para garantir o seu futuro, como o demostra a colaboración da Consellería do Mar con este tipo de iniciativas
Ribadeo, 3 de abril do 2026. A conselleira do Mar, Marta Villaverde, participou hoxe na III Mexillonada de Rinlo, unha cita gastronómica coa que colabora a Administración autonómica para contribuír a por en valor un dos produtos estrela da acuicultura galega.
Durante a súa intervención, a titular de Mar salientou a importancia deste produto como “un dos piares fundamentais do noso mar”, destacando “a súa calidade, sustentabilidade e recoñecemento nos mercados”. Neste sentido, lembrou que representa unha actividade clave para a economía galega, con miles de empregos vinculados ao seu cultivo, transformación e comercialización.
A conselleira subliñou o compromiso da Xunta co sector para garantir o seu futuro, como demostra a colaboración na súa promoción neste tipo de festexos que teñen por obxectivo achegar o produto á cidadanía, fomentar o seu consumo e reforzar o atractivo das vilas mariñeiras.
Por este motivo, Villaverde agradeceu o labor das entidades organizadoras e a implicación do Concello de Ribadeo e do tecido asociativo local na promoción do evento. A xornada contou cunha ampla participación de veciños e visitantes, que puideron degustar este produto en distintas elaboracións, consolidándoa como unha cita de referencia na promoción da gastronomía mariñeira da Mariña lucense.
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continúa o sábado, a partir das 19.00 horas, coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
As persoas asistentes poderán degustar a tradicional merluza de pincho preparada en diversas elaboracións, nun ambiente festivo que se completará con animación musical para gozar dunha noite de sabor, encontro e bo ambiente.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
