Lourenzá, 8 de abril, 2026. A biblioteca maravilhas-escola de Arroxo (Lourenzá) acollerá o mércores 15 de abril de 2026, ás 19:00 h, a Homenaxe a Manuel Lourenzo, un acto que recupera un proxecto ideado polo propio dramaturgo.
A homenaxe consistirá no recitado de catro poemas de Luís Seoane, seleccionados polo propio Manuel Lourenzo e escollidos nun encontro mantido o 24 de xaneiro de 2025, coincidindo co aniversario de Maruja Seoane. Nesta ocasión, serán os actores Santi Romay e Xosé Manuel Esperante quen lles poñan voz aos textos, nun acto que tamén incluirá unha pequena sorpresa para o público.
Con motivo da homenaxe publicarase un libro conmemorativo que recolle os catro poemas de Luís Seoane acompañados da letra autógrafa de Manuel Lourenzo.
Ese mesmo día farase público o Premio de Teatro Manuel Lourenzo, que terá carácter bianual e cuxo ditame se dará a coñecer o 15 de abril de 2027.
Traxectorias dos intérpretes
Xosé Manuel Esperante
Traballa con compañías como o Centro Dramático Galego, Xarope Tulú, Anómico Teatro, Cámara Negra, Ibuprofeno Teatro, A Factoría Teatro, Pedras de Cartón, Baobab ou Caramuxo Teatro. Participa en proxectos audiovisuais como Rapa, Clanes, A arte de ser (mal) pai, Fariña, Lobos Sucios, Antes de nós ou Quien a hierro mata.
Foi finalista dos Premios María Casares ao mellor actor secundario e recibiu galardóns como o Premio ao Mellor Actor Protagonista na Mostra de Curtas de Noia (Inútil) ou o Premio Pousadiño á mellor interpretación teatral (O pack cósmico).
Santi Romay
Actor e produtor, con experiencia en teatro, televisión e cinema. Premio María Casares por O tolleito de Inishmaan, é titulado en Pedagoxía Teatral pola Universidade da Coruña.
Participou en series como Mareas Vivas, Matalobos, Casa Manola, Auga Seca ou Serramoura. No ámbito teatral traballou en montaxes como A peste (CDG), Medida x Medida (PT Excéntricas), Yepeto (Teatro do Andamio) ou Coleccionistas. Actualmente forma parte de Memorias dun neno labrego, dirixida por Cándido Pazó.
Continuación da homenaxe: Ribadeo, Boiro e Carral
A homenaxe a Manuel Lourenzo enlazarase co XX Agasallo a Luís Seoane, que se celebrará o 1 de xuño no Pazo de Goiáns (Boiro), coa colaboración da Fundación Alcalde Varela, a Asociación Cultural Barbantia e o Concello de Boiro. Romay e Esperante volverán recitar poemas, e realizarase unha plantación simbólica de tres plantas de ruda e un allo verde, en lembranza do libro Tres hojas de ruda y un ajo verde (Buenos Aires, 1948).
O mércores 3 de xuño, o Centro Social de Barcia-Carral acollerá unha homenaxe conxunta a Manuel Lourenzo e Luís Seoane, coa participación de Miguel Pernas e coa reinstalación da placa dedicada a Maruja e Luís Seoane, colocada inicialmente en 2017 no Val de Barcia.
A organización sinala que esta homenaxe itinerante pode chegar a máis lugares, sempre que exista interese local, para continuar celebrando a obra e o legado de Manuel Lourenzo e Luís Seoane, dous creadores galegos profundamente vinculados ao territorio e á cultura do país.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
