Ribadeo, 8 de abril, 2026. O BNG de Ribadeo conseguiu no último pleno municipal a aprobación dunha moción en defensa do sector agrogandeiro galego e, de maneira especial, do ribadense.
O portavoz municipal, Martín Graña, valorou moi positivamente o respaldo da corporación a unha iniciativa que recolle as principais demandas dun sector mobilizado nos últimos meses pola súa situación crítica. A moción inclúe o rexeitamento ao acordo UE–Mercosur, pola ameaza que supón para as producións locais fronte á entrada de produtos de terceiros países, así como a oposición ás políticas agrarias europeas previstas e a defensa de prezos xustos para as explotacións.
O texto tamén denuncia a baixa do prezo do leite aplicada polas industrias lácteas nun contexto de incremento dos custos de produción. Segundo o BNG, esta situación xa está a ter consecuencias directas en Ribadeo, onde varios produtores se viron obrigados a tirar o leite desde o 1 de abril ao non lles seren renovados os contratos. Ademais, a moción reclama a reforma da Lei da Cadea Alimentaria para garantir ingresos dignos, a simplificación da burocracia da PAC e o rexeitamento á implantación masiva de plantas de biogás, consideradas prexudiciais para o territorio e para o sector.
Ademais, o BNG presentou dous rogos. O primeiro solicitaba ao goberno municipal o izado da bandeira do pobo xitano o 8 de abril, coincidindo co Día Internacional do Pobo Xitano, como mostra de recoñecemento a unha comunidade activa na vida social ribadense.
O segundo rogo reclamaba unha limpeza xeral de todos os contedores do Concello e a recuperación das limpezas periódicas, co obxectivo de mellorar a salubridade e a imaxe dos espazos públicos.
Por outra banda, a formación nacionalista formulou unha pregunta sobre a situación do Hospital-Asilo, interesándose polos motivos do atraso na licitación da parte da obra pendente. A concelleira Raquel Ferreira pediu explicacións sobre os pasos que debe dar o goberno municipal e instou a actuar con celeridade para reactivar os traballos, lembrando que a finais de abril se cumpre un ano desde a data na que a obra debería estar rematada.
O BNG reiterou o seu compromiso coa defensa dos intereses da veciñanza e anunciou que continuará levando ao pleno iniciativas “construtivas e útiles para mellorar a calidade de vida en Ribadeo”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
