Ana Miranda e Nino Fernández mantiveron un encontro informativo na Fonsagrada para analizar as consecuencias negativas do tratado entre a Unión Europea e o Mercosur
A Fonsagrada, 11 de Abril de 2026. A eurodeputada do BNG, Ana Miranda, xunto con deputado no Parlamento Galego, Nino Fernández mantiveron un encontro este sábado na Fonsagrada onde explicaron a posición que o Bloque mantivo e segue a manter sobre a afectación de Mercosur nesta comarca.
Dende o BNG sempre tiveron moi claro que o acordo Unión Europea – Mercosur non favorece aos gandeiros e gandeiras nin da comarca da Fonsagrada nin de outras vilas galegas que dependen da agricultura, que dependen precisamente destas explotacións gandeiras familiares.
Na súa intervención, Ana Miranda explicou as consecuencias negativas que ten este acordo para o sector agrogandeiro galego, motivo polo que conta coa oposición do BNG. “O que non queremos é que outra carne invada os nosos mercados nin que se faga como se fixo este acordo de costas ao Parlamento Europeo”, engadiu.
Pola súa banda, Nino Fernández destacou a presenza na Fonsagrada da eurodeputada do Bloque para explicar en que punto está o acordo “e os pasos que quedan por dar nas institucións europeas, cale o noso papel e que podemos facer”. Salientou ademais que este encontro “é unha oportunidade para falar das implicacións que sabemos que vai ter o tratado para ganderías como as que temos no Concello, na comarca e en toda a provincia”.
Neste encontro tamén se falou das cláusulas de salvagarda nas que se excusan tanto PP como PSOE para apoiar este acordo, estas cláusulas “non son a panacea” para o sector, xa que actuarán cando o sector xa note as consecuencias negativas do acordo, Ana Miranda tamén apuntou que precisamente foi o BNG quen defendeu desde o principio que, de aplicarse o acordo, esas salvagardas fosen máis altas e que non son suficientes, ao que tanto PP como PSOE se opuxeron.
Para o BNG este acordo non foi xestionado de forma democrática, xa que tanto a Comisión Europea como o Consello non respectaron os principios de cooperación entre institucións e o que é máis grave a voz do sector agrogandeiro.
Ana Miranda recordou tamén que, en liña con esta postura, asinou unha carta dirixida á presidenta da Comisión Europea, Ursula Von der Layen, para instar á Comisión “a que non avance na aplicación provisional do acordo comercial UE-Mercosur, nin de ningunha das súas partes, até que o Tribunal de Xustiza Europeo emita o seu ditame”.
Durante os vindeiros meses serán as votacións defiinitivas, este acordo precisa unha maioría cualificada por iso dende o BNG seguiremos a informar das consecuencias deste acordo para o noso país
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
