Ribadeo, 11 de abril, 2026. Na mañá de hoxe, o BNG mantivo unha reunión co sector gandeiro en Ribadeo. O encontro tivo lugar na gandería Casa do Rei, en Vilela, e ata alí se desprazaron o portavoz municipal, Martín Graña, a deputada no Parlamento galego Ariadna Fernández, responsable da área de Gandería e Industrias Agroalimentarias, e o deputado Daniel Castro.
Evitar prácticas abusivas da industria
Durante a interlocución cos gandeiros afectados pola suspensión da recollida nos últimos días, os representantes do BNG explicaron que solicitarán a convocatoria urxente da Mesa do Leite. O obxectivo é que todos os elos da cadea poidan negociar en condicións de igualdade e evitar que a industria adopte decisións unilaterais que deixen ás explotacións sen capacidade de negociación.
Recuperar o Observatorio do Sector Lácteo
A deputada Ariadna Fernández anunciou tamén que o BNG pedirá a recuperación das reunións periódicas do Observatorio do Sector Lácteo, unha ferramenta clave para dispoñer de información actualizada sobre:
– custos de produción
– principais eivas do sector
– ameazas que afectan ás explotacións galegas
Segundo explicou, contar con informes actualizados é esencial para planificar políticas eficaces.
Medidas para compensar custos e favorecer o relevo xeracional
Outra das propostas do BNG é instar á Xunta de Galicia e ao Goberno do Estado a adoptar medidas que:
– compensen o incremento dos custos de produción, especialmente en combustible e fertilizantes
– faciliten o acceso á terra e a recuperación da superficie agraria útil
– resolvan con urxencia as axudas de incorporación de mozos e mozas ao sector
– impulsen políticas que garantan o relevo xeracional
O sector gandeiro, un piar da economía local
O portavoz municipal, Martín Graña, destacou a importancia do sector gandeiro en Ribadeo: “No noso concello este sector foi e é un piar básico da economía local, e ten que seguir sendo. Por iso, a posición do BNG será sempre estar ao carón das gandeiras e gandeiros”.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
