Cervo, 13 de abril, 2026. O Partido Popular de Cervo criticou ao PSOE local por, segundo sinalan, xerar alarma social arredor dos Servizos Sociais municipais e por utilizar politicamente tanto ás traballadoras sociais como ao conxunto do servizo.
A formación popular explica que a moción presentada no último pleno tiña como obxectivo defender ás profesionais —incluído o persoal do Servizo de Axuda no Fogar (SAF)— fronte a ataques que consideran inxustificados, así como evitar a súa instrumentalización política.
O PSOE votou en contra da iniciativa.
Durante a sesión plenaria, a alcaldesa de Cervo afirmou que o grupo socialista tiña a oportunidade de rectificar tras a difusión pública dunha reclamación puntual dunha familia, xa aclarada, que foi compartida en redes sociais e empregada para cuestionar o traballo dunha profesional.
Segundo indicou, o PSOE decidiu manter esa liña de actuación, “persistindo no sinalamento e na utilización partidista do traballo dunha profesional”.
A rexedora insistiu en que non se deben empregar reclamacións puntuais nin o labor do persoal público para a fiscalización política, e cualificou esta práctica como xeradora de dano e incerteza.
O PP considera especialmente grave que, segundo explican, o PSOE basee o seu discurso nunha reclamación xa resolta e nun informe de inspección da Xunta de Galicia correspondente a outubro de 2025, que reflectía unha situación puntual derivada dunha baixa laboral xa corrixida. Aseguran que o documento foi utilizado fóra de contexto.
A alcaldesa subliñou que é necesario “falar con rigor e con datos actuais” e lamentou que se poña en dúbida o traballo das profesionais sen base técnica actualizada.
No mesmo pleno, o PSOE tamén votou en contra dunha moción do PP que instaba ao Goberno de España a cumprir coa Lei de Dependencia e asumir o 50% do financiamento do sistema. O PP considera que esta postura evidencia unha contradición entre a crítica ao funcionamento dos servizos e a negativa a reclamar máis recursos ao Estado.
O Concello de Cervo vén de adherirse ao incremento da achega da Xunta de Galicia ao servizo de dependencia, que suporá un investimento de 937.724 euros nos próximos tres anos.
O PP de Cervo conclúe que continuará defendendo o respecto ás profesionais dos Servizos Sociais, unha xestión baseada en datos e a reclamación do financiamento estatal correspondente para garantir unha atención digna ás persoas dependentes.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
