A Obra Social de ABANCA constrúe «Igualdade Dixital» a partir da experiencia adquirida na mellora de habilidades tecnolóxicas de persoas maiores tras formar a case 42.000 persoas de toda Galicia en 10 anos
A Mariña, 14 de abril, 2026. «Igualdade Dixital» constrúese ao redor dunha plataforma web para a formación no uso de móbiles e as súas aplicacións. Está pensada tanto para a autoformación como para servir de apoio a proxectos formativos, e para o seu uso por formadores ou mentores dixitais. O lanzamento do proxecto leva asociado un programa de accións gratuítas baseadas nos contidos da plataforma e abertas á cidadanía en 11 localidades nos meses de abril e maio. Estas accións presenciais están especialmente dirixidas ás persoas que teñen maiores dificultades de acceso á tecnoloxía e necesitan unha figura de confianza que as guíe. Na rede de Espazos +60 de Afundación haberá un total de 83 cursos de 1,5 horas cada un, neses dous meses, para a formación en competencias dixitais.
O vindeiro venres, 17 de abril, impartirase o primeiro curso, “Pide a túa cita médica en liña no SERGAS”, no Espazo +60 Afundación de Monforte de Lemos. A continuación programáronse formacións sobre “Xestiona as túas contas con ABANCA móbil”, o 24 de abril; “Descobre a intelixencia artificial: primeiros pasos con ChatGPT”, o 8 de maio; “Comunícate con familiares e amizades usando WhatsApp”, o 15 de maio; “Configura e personaliza o teu móbil”, o 22 de maio; e “Caixeiros: banca 24 horas para facer a túa vida máis doado”, o 29 de maio. Todas elas impartiranse en horario de 10.30 a 11.30 h, fóra da do 29 de maio, que se impartirá de 11.00 a 12.00 h, previa reserva no propio Espazo +60 ou no seguinte formulario.
No Espazo +60 Afundación de Viveiro impartirase o vindeiro mércores, 22 de abril, o primeiro curso, “Descobre a intelixencia artificial: primeiros pasos con ChatGPT”. A continuación, programáronse formacións sobre “Caixeiros: banca 24 horas para facer a túa vida máis doado”, o 27 de abril; “Trámites coa Administración na internet: plataforma Cl@ve, certificado dixital ou DNIe”, o 4 de maio; “Como realizar as túas compras en liña de forma segura”, o 11 de maio; “Descobre as redes sociais: Instagram”, o 18 de maio; e “Xestiona as túas contas con ABANCA móbil”, o 25 de maio. Todas elas impartiranse en horario de 18.30 a 19.30 h, fóra das do 22 de abril e 18 de maio, que se impartirán de 18.00 a 19.00 h, previa reserva no propio Espazo +60 ou no seguinte formulario.
No Espazo +60 Afundación de Lugo impartirase o vindeiro xoves, 23 de abril, o primeiro curso, “Aprende a enviar diñeiro con Bizum con ABANCA móbil”. A continuación, programáronse formacións sobre “Empeza a usar o correo electrónico Gmail: abrir unha conta e enviar e recibir correos”, o 30 de abril; “Ferramentas útiles de Google no teu móbil para o día a día: lector de códigos QR, notas e calendario”, o 7 de maio; “Comunícate con familiares e amizades usando WhatsApp”, o 14 de maio; “Descobre a intelixencia artificial: primeiros pasos con ChatGPT”, o 21 de maio; e “Caixeiros: banca 24 horas para facer a túa vida máis doado”, o 28 de maio. Todas elas impartiranse en horario de 10.00 a 11.00 h, previa reserva no propio Espazo +60 ou no seguinte formulario.
As persoas maiores empregan cada vez máis a miúdo, e cada vez con máis competencias, as tecnoloxías dixitais. Pero mesmo na franxa de idade de persoas con maiores competencias segue habendo unha importante fenda, en uso e coñecementos, con respecto ás xeracións posteriores: segundo o INE, unicamente o 13% das persoas de 65 a 74 anos teñen habilidades avanzadas fronte ao 53% de 25 a 34 anos. E iso inflúe, por exemplo, na capacidade de pedir unha cita no centro de saúde empregando só medios telemáticos. Ou de acceder a contidos de entretemento, participar nas redes sociais ou sentir seguridade ante posibles fraudes. Afundación dá un paso adiante na súa estratexia, tras máis dunha década enfocada na redución da fenda de acceso aos servizos dixitais por parte das persoas maiores, co lanzamento do proxecto «Igualdade Dixital» cun enfoque máis centrado no desenvolvemento de actividades formativas para mellorar as competencias dixitais.
A plataforma
A web de «Igualdade Dixital» ofrece obradoiros interactivos, guías descargables, vídeos formativos, exercicios prácticos… Abordan temáticas clave como a ciberseguridade, a xestión da identidade dixital e o manexo de ferramentas administrativas básicas. A plataforma, que se pode usar gratuitamente previo rexistro, facilita unha aprendizaxe autónoma e intuitiva, con seguimento dos avances e un test de competencias iniciais para orientar no itinerario. Pero tamén pode ser empregada como recurso didáctico para actividades formativas presenciais de persoas que necesiten ou prefiran unha aprendizaxe guiada. É válida para quen aprende sen ningún coñecemento previo e tamén para quen quere mellorar as súas competencias.
Afundación lanza «Igualdade Dixital» desde a experiencia, despois de formar e asesorar a preto de 42.000 persoas maiores, entre 2015 e 2025, en temas relacionados co uso das tecnoloxías. Avanza así no cumprimento, ademais, dun dos obxectivos do seu Plan Estratéxico: apoiar o acceso das persoas maiores ao coñecemento e os servizos dixitais. Tan só no ano 2025, 1631 persoas recibiron formación en temas relacionados co uso da internet, dispositivos móbiles ou computadores. Afundación conta cun equipo profesional especializado na formación en competencias dixitais e o asesoramento a persoas maiores, ofrecendo un acompañamento integral que lles permite vencer as barreiras, gañar confianza e avanzar con seguridade.
A nova forma da fenda dixital: a fenda competencial
Das 1631 persoas que participaron en 2025 neste tipo de actividades formativas asociadas a proxectos de Afundación, o 62%, un total de 1.012, quixeron mellorar as súas habilidades no manexo de dispositivos móbiles. O indicador contrasta radicalmente co de 2015. Nese ano, só o 11% das persoas que participaron neste tipo de formación optaron por aprender máis sobre o manexo de teléfonos intelixentes. O 89% preferían a formación no uso dos seus equipos de escritorio. Esta evolución reflicte o avance das persoas maiores no uso da tecnoloxía e a súa incorporación maioritaria a internet a través dos dispositivos móbiles.
Neste período, 2015-2025, os indicadores da apropiación das tecnoloxías dixitais melloraron sensiblemente. Así o constatan os datos do Instituto Nacional de Estatística. As persoas de 65 a 74 anos empregan cada vez máis os medios telemáticos na súa vida cotiá. En 2015, só o 20% usaban diariamente internet. En 2025, a media foi do 75%.
Pero o maior uso de tecnoloxías non implica a desaparición das diferenzas entre idades á hora de acceder aos servizos da Sociedade da Información. Desde a área de Maiores de Afundación explican que o que hai anos era unha fenda de acceso converteuse nunha fenda de competencias. Ou o que é o mesmo: as persoas maiores acceden máis a internet, e mesmo un 13% dos de 65 a 74 anos teñen competencias avanzadas. Pero segue sendo necesario apoiar o avance. Un dato: só 4 de cada 10 usuarios da internet desa idade concertaron algunha cita ou fixeron unha reserva en liña no último ano, fronte ao 62% do total das persoas usuarias da internet, sen discriminación por idades, que empregan este tipo de servizos.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
