Ribadeo, 14 de abril de 2026. Esta tarde deron comezo en Ribadeo os actos conmemorativos do ano dedicado á figura do presidente do Goberno e alcalde honorario deste Concello, Leopoldo Calvo Sotelo. Están organizados polo Concello coincidindo co centenario do seu nacemento.
Houbo unha ofrenda floral no cemiterio municipal que realizaron o alcalde, Dani Vega, o presidente do Parlamento de Galicia, Miguel Santalices, e Elisa, unha das netas de Calvo-Sotelo. O Trío de Cámara da Xove Orquestra de Lugo Terra Nova interpretou Alfonsina y el mar e concelleira de Cultura, Begoña Sanjurjo, recitou o poema de Manuel María O meu barco, debido á conexión de Leopoldo Calvo-Sotelo coa ría.
A continuación tivo lugar un pleno extraordinario no Pazo de Ibáñez para declarar este 2026 como o ano Leopoldo Calvo-Sotelo. O Concello traballa na organización de diferentes actividades como unha exposición fotográfica, un espazo na Biblioteca El Viejo Pancho, un congreso en xullo así como a divulgación da súa figura nos centros de ensino de Ribadeo. Ademais o Concello, a Real Academia Galega de Ciencias Morais e Políticas, o Colexio de Enxeñeiros e a Fundación Transición solicitáronlle á Comisión Filatélica do Estado a emisión dun selo conmemorativo. O Grupo Planeta editará un volume dedicado a Calvo-Sotelo e tamén haberá actividades musicais, que deron comezo coa actuación esta tarde da Coral Polifónica de Ribadeo, que interpretou dúas habaneras ao remate da misa in memoriam de que ten fora presidente do Goberno do Estado. A encargada de presentar toda esta programación foi a concelleira de Cultura que subliñou que “Ribadeo forma parte da historia de Leopoldo Calvo-Sotelo. E el forma parte da historia de Ribadeo. Recoñecelo, é simplemente, un acto de memoria”.
Na sesión plenaria interviñeron Juan Calvo-Sotelo, fillo do homenaxeado, que se aludiu á súa faceta máis persoal, ao seu amor pola pesca, pola ría, polo mar, polas praias e pola música. E tamén se referiu a todos os recoñecementos que ao longo dos anos o seu pai recibiu de Ribadeo, do Concello, do Club Náutico, da Coral Polifónica ou da Confraría de Pescadores.
Antonio Martínez, alcalde de Ribadeo na época na que Calvo-Sotelo foi presidente do Goberno, referiuse ao seu apoio constante para o despunte de Ribadeo no ámbito de infraestruturas como a Ponte do Santos, entre outras, e tamén en materia de sanidade.
Miguel Santalices, presidente do Parlamente de Galicia, e Dani Vega, alcalde de Ribadeo, puxeron de releve o talante de Leopoldo Calvo-Sotelo, o papel que xogou na transición española, a súa visión europeísta, e definírono como defensor das autonomías. O 18 de maio de 1981 firmou o Estatuto de Galicia.
O rexedor agradece a asistencia aos actos de todas as autoridades autonómicas, provinciais e locais, á familia Calvo-Sotelo, ás súas amizades e tamén a todas as veciñas e veciños que esta tarde encheron o Salón de Plenos do Concello. Dani Vega subliñou que “por primeira vez na historia de Ribadeo o presidente do Parlamento de Galicia co presidiu un pleno deste Concello”. O acto rematou coa interpretacións dos himnos galego e español.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
