A alcaldesa, Marta Rouco, destaca que o proxecto permitirá ampliar a oferta asistencial e dar resposta a unha demanda histórica da veciñanza
Vilalba, 16 de abril de 2026. O Concello de Vilalba acolleu hoxe a presentación do proxecto para a construción dunha nova residencia para persoas maiores e dun centro de día nas instalacións do antigo Hotel Villamartín, unha iniciativa impulsada por Rosalba Gestión que suporá un avance importante na dotación de servizos asistenciais do municipio.
Na presentación participaron a alcaldesa, Marta Rouco; o concelleiro de Infraestruturas Urbanas, Luis Fernández; e o director de Relacións Institucionais de Rosalba Gestión, Luis Romero. O proxecto contempla a creación dun centro con máis de 160 prazas, combinando servizo residencial e centro de día, e prevé a xeración duns 150 postos de traballo directos e indirectos, contribuíndo ao desenvolvemento económico local e á fixación de poboación.
A alcaldesa, Marta Rouco, destacou que “estamos ante un proxecto estratéxico para Vilalba, que dá resposta a unha demanda real da veciñanza e que permitirá que moitas persoas maiores poidan ser atendidas no seu propio entorno, preto das súas familias”.
Rouco subliñou tamén o papel activo do Concello para facer posible esta iniciativa, lembrando que “desde 2022-2023 levamos traballando de maneira estreita co promotor para facilitar a implantación deste proxecto, estudando todas as opcións posibles para aproveitar as condicións urbanísticas das instalacións e axilizar a tramitación necesaria”.
O Concello traballou intensamente para permitir que o proxecto se desenvolva nun espazo que foi clave para a actividade económica de Vilalba, como é o antigo Hotel Villamartín, que terá agora unha nova vida vinculada ao coidado e á atención das persoas.
O centro seguirá un modelo de atención integral centrado na persoa e contará con sete unidades de convivencia, tres delas especializadas: unha para coidados continuados de persoas con enfermidades crónicas complexas; outra para recuperación funcional tras alta hospitalaria; e unha terceira destinada á atención de demencias dexenerativas.
Ademais, incluirá un centro de día orientado a persoas maiores que viven nos seus domicilios, ampliando así a cobertura asistencial no municipio.
A alcaldesa puxo en valor a aposta de Rosalba Gestión por Vilalba, unha empresa con máis de 30 anos de experiencia no sector que inicia con este proxecto a súa implantación en Galicia, e sinalou que “este tipo de iniciativas son fundamentais para cubrir carencias existentes e mellorar a calidade de vida da nosa veciñanza”.
Así mesmo, Rouco lamentou “a falta de implicación da Xunta de Galicia, que ten a competencia exclusiva en materia de residencias públicas e á que este Concello lle leva anos solicitando unha infraestrutura destas características sen obter resposta”.
Neste contexto, o Concello solicitará á Xunta que habilite prazas concertadas na nova residencia e no centro de día, co obxectivo de garantir o acceso a estes servizos ao conxunto da cidadanía.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
