Recalcou a mandataria provincial “a importancia de iniciativas coma esta, que permiten achegar o noso patrimonio natural, cultural e histórico á veciñanza” e recordou que nesta sexta edición do programa participarán unhas 3.000 persoas
Lugo, 21 de abril de 2026. A Presidenta da Deputación de Lugo, Carmela López, deu a benvida este martes no Salón de Actos do Pazo de San Marcos aos 18 usuarios e usuarias da Asociación de Familiares de Enfermos de Alzhéimer e Outras Demencias de Burela, que participan durante a xornada de hoxe no Coñece a túa provincia. O grupo iniciou a ruta visitando as dependencias da institución provincial e descubrindo o seu funcionamento, para despois percorrer o casco antigo da cidade lucense, a Muralla Romana ou o Museo Provincial, entre outros espazos.
Carmela López saudou aos membros desta entidade destacado “a importancia de iniciativas coma esta, que permiten achegar o noso patrimonio natural, cultural e histórico á veciñanza”. Avanzou que “o programa está dirixido a entidades sen ánimo de lucro dos 67 concellos da provincia para que poidan desfrutar dos recursos do noso territorio dunha forma accesible e gratuíta”. A mandataria provincial recordou que nesta sexta edición, que vimos de iniciar recentemente, participarán unhas 3.000 persoas”.
180 veciños de 8 entidades viaxan esta semana
Esta semana participarán nesta iniciativa gratuíta máis de 180 veciños e veciñas de 8 entidades lucenses que viaxarán ata a Mariña, a Ribeira Sacra e a comarca de Sarria. Nese sentido, a maiores de AFAN Burela este mesmo martes tamén participaron no Coñece a Asociación de Veciños As Victorias, de Pantón, que partiron a ruta desde o Mazo de Santa Comba para despois realizar un percorrido polo paseo marítimo de Barreiros, visitar a praia das Catedrais e coñecer a parroquia de Rinlo.
O mércores será a quenda para a Asociación de Veciños de Mañente, de Pantón; e a Agrupación Deportiva San Xulián de Nois, de Foz. Os primeiros iniciarán a viaxe na Granxa Gayoso Castro e continuarán ata a zona de Burela; e os segundos comezarán descubrindo as rutinas de traballo da produtora do Servizo de Audiovisuais para despois achegarse ata o Museo Comarcal da Fonsagrada e a unha fábrica de embutidos.
O xoves participarán a Asociación de Veciños de Cerxedo, de Paradela; e a Asociación de Veciños de San Xurxo O Refugio, de Lourenzá. Os veciños e veciñas de Paradela coñecerán a produtora da Deputación e continuarán a visita ata a fábrica de Sargadelos e o pobo de San Cibrao; mentres que, os membros do colectivo mariñán iniciarán a ruta desde a Granxa Gayoso Castro e logo achegaranse ata Gundivós e o Canón do Sil.
Pecharán as visitas desta semana a Asociación de Veciños San Martín de Carral, de Begonte, que comezarán descubrindo a Granxa Gayoso Castro e continuarán ata a Mariña; e a Asociación de Veciños San Pedro da Ribeira, da Pontenova, que comezarán no Mazo de Santa de Comba e viaxarán ata a aldea do Cebreiro e á localidade de Triacastela.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
