Viveiro, 22 de abril, 2026. A Asociación de Comerciantes do Centro Histórico de Viveiro pon en marcha, a partir do xoves 23 de abril, a súa campaña especial do Día da Nai, que inclúe o sorteo de 300 € en vales de compra e a realización de fotografías gratuítas de nais, fillas/os e avoas.
Nesta edición, a entidade aposta por premiar a fidelidade da clientela cunha iniciativa emotiva e participativa baixo o lema “Unha foto de xeracións: nais, avoas e fill@s, o mesmo amor en distintas etapas da vida”.
Estudio fotográfico o 2 de maio
O sábado 2 de maio, a Asociación instalará un estudio fotográfico na Sala Multiusos do Concello de Viveiro. Todas as nais que se acheguen cos seus fillos/as, ou mesmo tres xeracións xuntas —avoas, fillas e netos/as— poderán participar nunha sesión fotográfica profesional.
Nos días posteriores, as familias poderán escoller e encargar a súa fotografía favorita, que recibirán de maneira totalmente gratuíta.
Para participar, será necesario entregar vales de compra por un importe mínimo de 20 € de calquera dos establecementos asociados ao CCHV.
Horario do estudio fotográfico: De 11:00 a 14:00 h. De 16:30 a 20:30 h
Premio de 300 € en vales de compra
O obxectivo da campaña é atopar a imaxe que mellor represente a esencia do Día da Nai. Todas as fotografías serán valoradas por un xurado, e a mellor puntuada recibirá un premio de 300 € en vales de compra para utilizar en calquera dos comercios asociados.
A Asociación busca imaxes que reflictan a complicidade entre nais e fillos/as, dende estilos máis tradicionais ata perfís máis modernos, mostrando a diversidade das familias e das xeracións.
Apoio ao comercio local
Con esta iniciativa, a Asociación de Comerciantes pretende dinamizar unha data comercial clave para o comercio local, ofrecendo actividades, sorteos e premios que recoñezan a fidelidade da clientela e impulsen as compras en Viveiro. A campaña conta coa colaboración da Xunta de Galicia, dentro dos programas de dinamización dos centros comerciais abertos.
A entidade lembra que o seu labor se centra en premiar a confianza da clientela e fomentar a unión do tecido comercial, traballando conxuntamente para fortalecer e dinamizar o comercio de proximidade.
Toda a información e as bases da campaña están dispoñibles en www.viveirocentro.com, na APP ViveiroCCH e nos perfís oficiais de Facebook, X e Instagram.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
