Foz, 22 de abril de 2026. O goberno municipal de Foz explica á oposición que os paseos marítimos “están limpos porque o desbroce faise continuamente”.
“Os paseos están limpos, de feito as labores de desbroce non paran e incrementáronse dende o 15 de marzo coa incorporación do segundo tractorista para desbroces”, explica a tenente de alcalde, Inés López Couto, que engade: “ben se ve na foto que envía a oposición que o paseo está limpo. Hai pendentes pequenos traballos de reparación, que son continuos xa que a pedra é un material cun mantemento complicado polas continúas roturas e desprendementos, máis anotamos para repasar esa zona de paseo. Agora ben, se Castiñeira tivese andado por ese tramo cando foi alcalde tería visto que a zona dos asadores -que na súa época estaba chea de maleza- agora límpase de forma habitual”.
Inés López Couto comenta tamén: “ao respecto dos paseos que están cortados por derrubamentos, acaba de publicarse este martes 21 de abril o anuncio no BOE da aprobación definitiva do proxecto Retranqueo dos paseos de Cangas de Foz e da praia de Arealonga (zona Fazouro) debido aos desprendementos producidos nos últimos temporais. Isto significa que en próximas datas se procederá á expropiación e licitación destas obras que son moi necesarias e polas que o Concello de Foz leva loitando desde o mesmo momento dos desprendementos, algo que se nota en que este proxecto xa pasou todas as exposicións públicas e segue o seu proceso. Non fai falla facer preguntas no Senado un ano despois, só ler o BOE para ver os pasos que se levan dado”.
A tenente de alcalde explica tamén que “non hai ningunha deixadez absoluta, intentamos arranxar todo o que nos solicitan os veciños ou o que se detecta que está roto ou defectuoso. Non fai falta esconderse detrás de ningún veciño para saír no xornal e volver ser protagonista, só hai que avisar. E, por certo, os paseos están limpos pero aínda así continúase traballando, con tarefas de desbroce e xardinería”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
