A conselleira pon en valor que Augas de Galicia está a investir máis de 13 millóns de euros en Burela e que no conxunto da Mariña lucense a cifra rolda os 40 millóns de euros con outras intervencións importantes en concellos como Ribadeo ou Foz
Lugo, 24 de abril de 2026. A conselleira de Medio Ambiente e Cambio Climático, Ángeles Vázquez, e a alcaldesa de Burela, Carmela López, asinaron hoxe o convenio de colaboración para a construción da nova Estación Depuradora de Augas Residuais (EDAR), unha infraestrutura estratéxica que suporá un investimento próximo aos 9 millóns de euros e que marcará un antes e un despois no sistema de saneamento do municipio.
No acto participaron tamén o delegado territorial da Xunta en Lugo, Javier Arias, e o director de Augas de Galicia, Roi Fernández.
A conselleira explicou que o convenio, con vixencia ata decembro de 2030, establece que a Xunta asumirá a contratación e execución das obras, mentres que o Concello de Burela se encargará dos permisos, licenzas e da posta á disposición dos terreos necesarios, en colaboración con Portos de Galicia ao tratarse de actuacións en solo portuario. A previsión é licitar os traballos este verán e inicialos en 2027.
Unha EDAR máis eficiente e adaptada ás esixencias ambientais actuais
A futura depuradora terá unha capacidade de tratamento un 50% superior á actual e poderá atender máis de 13.000 habitantes equivalentes. Ademais, incorporará tratamento secundario, inexistente na instalación vixente, o que permitirá mellorar a depuración e desinfección das augas antes da súa devolución ao medio.
A actuación conta con cofinanciamento da Unión Europea a través do Fondo Europeo de Desenvolvemento Rexional (FEDER) e permitirá cumprir cos estándares da directiva europea sobre tratamento de augas residuais.
A alcaldesa, Carmela López, destacou que se trata “dun día importante para Burela”, subliñando que esta infraestrutura “resolve un problema que durante máis de quince anos non sempre se vía, pero que estaba aí: o saneamento e a depuración das nosas augas”. Engadiu que o proxecto é froito “do diálogo, do traballo compartido e da responsabilidade institucional coa cidadanía”.
Fase I xa en marcha: novos colectores e mellora da rede
Esta nova EDAR corresponde á fase II do proxecto global de mellora do saneamento de Burela, que se suma á fase I, actualmente en execución, cun investimento duns 5 millóns de euros. Esta primeira fase inclúe a instalación de preto de 2,4 quilómetros de colectores e a construción dunha Estación de Tratamento e Bombeo de Augas Residuais (ETBAR) na zona portuaria, que realizará un tratamento previo das augas antes de envialas á depuradora.
Segundo explicou a conselleira, esta fase é independente da EDAR, pero xa permitirá mellorar o saneamento ao eliminar filtracións, aumentar a capacidade da rede e reducir a carga contaminante dos alivios grazas ao tratamento previo.
Un investimento total que supera os 13 millóns de euros
Sumando ambas fases, o investimento en saneamento en Burela supera os 13 millóns de euros. A conselleira lembrou que, ademais, Augas de Galicia ten en marcha ou proxectadas actuacións noutros municipios da Mariña lucense, como Foz ou Ribadeo, que elevan o investimento global na comarca por riba dos 40 millóns de euros.
A alcaldesa concluíu que “a nova EDAR non é só unha obra, senón unha garantía de futuro, un compromiso co medio ambiente e unha aposta pola calidade de vida da nosa veciñanza”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
