Olalla Rodil denuncia que a conselleira de Medio Ambiente mentiu ao dicir que a praza de xefe do Litoral en Lugo estaba vacante: “É unha cacicada”
Santiago de Compostela, 27 abril 2026. A viceportavoz do BNG, Olalla Rodil acusa o PP de valerse do Goberno da Xunta para mercar a sinatura dunha tránsfuga na moción de censura “indecente e absolutamente inmoral” en Lugo, utilizando os recursos das galegas e dos galegos para “mercadear” con vontades e votos. Fíxoo tras asegurar que a titular de Medio Ambiente mentiu ao asegurar que a praza de xefe do litoral en Lugo estaba vacante, cando a realidade é que segue ocupada pola mesma persoa que a propia conselleira nomeou “a dedo”.
“Nunca renunciou, nunca dimitiu e, que saibamos, nunca foi cesado”, explicou Rodil para rebater a resposta de Ángeles Vázquez tras denunciarse que a praza en cuestión fora convocada ‘ad hoc’ para a tránsfuga María Reigosa. Segundo lembrou a deputada nacionalista, a conselleira dixo textualmente que se sacou a praza en comisión de servizos argumentando que “no momento no que unha xefatura de servizo queda libre, no minuto cero, vólvese convocar a praza porque, se non, o servizo queda estancado”.
“É evidente que esta praza era o pago pola sinatura da tránsfuga para que o PP rexistrase a moción de censura en Lugo”, afirmou a viceportavoz do Bloque, cualificando a manobra de “cacicada” para comprar e tombar un goberno de esquerdas pola porta de atrás a un ano das eleccións. “O PP utilizou a Xunta de Galiza, o Goberno de todas as galegas e galegos para as súas operacións políticas”, subliñou.
É por iso que o BNG rexistrou no Parlamento unha batería de iniciativas para esixir explicacións sobre esta cuestión e para que se depuren responsabilidades: “É indecente e o Goberno de Rueda terá que dar explicacións por esta cacicada”, incidiu.
Rodil asegurou que nun sistema democrático non se pode admitir nin permitir o uso de recursos públicos para cambiar gobernos, manipular a vontade expresada pola cidadanía nas urnas e saciar as ansias de poder do PP e, máis concretamente, as da deputada e presidenta do PP de Lugo, Elena Candia. “Xa sabemos como traballa, non hai máis que lembrar como chegou a presidenta da Deputación”, salientou.
O PP, instalado nunha degradación terrible
Para Olalla Rodil, esta moción “sen escrúpulos para facerse co poder polo poder” demostra a “degradación terrible” na que está instalada o PP e que o único que hai detrás non é un proxecto de cidade senón “pactos escuros” dos populares cunha tránsfuga que entrou na corporación municipal pola morte de varias persoas, entre elas a alcaldesa Paula Alvarellos. Trátase, denunciou, dunha “traizón” ao que votaron nas urnas as veciñas e veciños de Lugo.
A deputada do BNG sinalou que non sorprende este modus operandi do PP porque “xa o fixeron antes, “sen escrúpulos”, referíndose á manobra que o PP levou a cabo en Sarria en setembro de 2025 a través da súa secretaria xeral, Paula Prado, “mercando con cartos da Xunta” a disolución de Camiña Sarria, o partido que hoxe ostenta a alcaldía, para que non se presente nas próximas eleccións municipais. “Foron mercar con cartos dos galegos e galegas a desaparición dun partido político anunciando supostos investimentos da Xunta a cambio de eliminar candidaturas. “Esa é a forma de facer política do Partido Popular”, considerou.
Un goberno que funciona
Malia todo, Rodil quixo deixar claro que “a xente de Lugo non é idiota”, tal e como expresou o pasado venres mobilizándose na defensa da democracia e do “lexítimo goberno municipal”.
A deputada nacionalista puxo en valor o traballo do BNG nunha cidade que “avanzou moito nos últimos anos cun proxecto político que puxo e pon as persoas no centro”. “É un clamor social a indignidade desta moción para cargarse un goberno que funciona. É absolutamente impresentable, indecente e inadmisible que esta moción saia adiante”, rematou.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
