Está previsto que a actuación se adxudique no último trimestre do ano e o prazo de execución será de doce meses
Viveiro, 28 de abril de 2026. Mariña Gueimunde, alcaldesa de Viveiro, celebrou o acordo do Consello da Xunta de Galicia polo que se autoriza a licitación das obras de protección contra a contaminación acústica na LU-862, ao seu paso polo municipio. A actuación mobilizará un investimento de 692.599,29 euros que permitirá actuar en dous treitos urbanos que suman algo máis de 1,5 quilómetros de lonxitude.
A rexedora puxo en valor o alcance dunha intervención que considera especialmente relevante para mellorar a calidade de vida da veciñanza nunha vía con elevada intensidade de tráfico. «É unha moi boa noticia para Viveiro e para moitas persoas que conviven cada día co paso continuo de vehículos por estes treitos urbanos. Falamos dunha actuación importante, esperada e moi necesaria, que vai permitir reducir o ruído e mellorar tamén as condicións de circulación e seguridade», sinalou Mariña Gueimunde.
A actuación desenvolverase nun primeiro tramo que comeza no punto quilométrico 83,650 e ten unha lonxitude de 1.350 metros, e nun segundo que comeza no punto quilométrico 86,170 e suma 230 metros. O proxecto inclúe a reposición do firme da calzada e dos aparcadoiros, coa incorporación dunha capa fonoabsorbente, así como o repintado das marcas viarias para diminuír o ancho dos carrís onde sexa posible, gañar espazo central e contribuír ao calmado do tráfico. Tamén se prevé a redución da velocidade a 40 quilómetros por hora e a mellora dunha intersección ao final do segundo tramo, no punto quilométrico 86,910.
A alcaldesa destacou que se trata dunha medida que responde a unha demanda lóxica nunha contorna urbana especialmente sensible ao impacto do tráfico rodado. «Todo o que supoña avanzar na mellora da mobilidade, na seguridade e no benestar da veciñanza ten que ser ben recibido. Neste caso, ademais, estase actuando nunha vía moi relevante para Viveiro, cun tráfico diario moi intenso, polo que esta intervención terá unha repercusión directa no día a día de moitas persoas», indicou.
A Xunta sinala que nalgúns treitos da LU-862 ao seu paso por Viveiro a intensidade media diaria supera os 13.300 vehículos. O Goberno galego prevé licitar as obras nas vindeiras semanas, co obxectivo de adxudicalas no derradeiro trimestre do ano. O prazo de execución previsto é de doce meses e o financiamento procederá do Programa operativo Feder 21/27.
Mariña Gueimunde quixo subliñar tamén a importancia de que Viveiro continúe recibindo investimentos que contribúan a mellorar as súas infraestruturas e a dar resposta ás necesidades reais do municipio. «Cada paso que se dá para mellorar os servizos, as comunicacións e a calidade de vida en Viveiro é unha boa noticia. E esta é unha actuación que vai nesa dirección, polo que cómpre recoñecela e poñela en valor», concluíu.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
