Cervo, 29 de abril, 2026. O Concello de Cervo acollerá este venres, 1 de maio, en horario de mañá, a II Xornada de Aire Libre de Atletismo Concello de Cervo, organizada pola Federación Galega de Atletismo coa colaboración do Concello. A cita reunirá nas pistas da Veiga a máis de 200 atletas de diferentes categorías procedentes de toda Galicia.
Na presentación oficial participaron a alcaldesa de Cervo, Dolores García Caramés, e o delegado da FGA en Lugo, Pablo Gandoi, quen destacaron a importancia desta competición para seguir impulsando o deporte base e consolidar o municipio como sede de referencia para probas atléticas.
A rexedora subliñou “a firme aposta do Concello de Cervo polo atletismo e polo deporte en xeral, apoiando eventos que dinamizan o municipio, fomentan hábitos saudables e atraen a numerosas persoas deportistas e acompañantes”. García Caramés tamén puxo en valor a colaboración institucional coa federación e salientou “as excelentes condicións das instalacións deportivas municipais, que permiten acoller competicións oficiais do calendario galego”.
Esta segunda xornada servirá para que moitos atletas poidan buscar as súas mellores marcas e acadar rexistros que lles permitan clasificarse para os distintos campionatos autonómicos e nacionais da tempada ao aire libre.
O programa inclúe probas homologadas tanto en pista como en concursos, fundamentais para completar o calendario competitivo, especialmente nas categorías de base, pero tamén para deportistas de maior nivel que precisan marcas mínimas de acceso a campionatos estatais.
A participación abrangue desde a categoría Sub10, con probas como os 500 e 1.000 metros lisos, ata a categoría absoluta, converténdose nunha oportunidade para ver en acción tanto novas promesas como atletas consolidados do atletismo galego.
Entre os nomes destacados figuran deportistas da Mariña como Pedro Moirón, recente subcampión de España en pista cuberta, que tentará lograr a mínima nos 1.500 metros obstáculos; e a atleta internacional cervense Olga Vicente, que competirá na casa nas probas de 400 metros valados e 80 metros valados.
Desde o Concello subliñan que continuarán traballando para atraer citas deportivas de primeiro nivel, reforzando a imaxe de Cervo como destino vinculado ao deporte, á convivencia e á promoción de estilos de vida saudables.
A celebración desta xornada volve situar as pistas da Veiga como un referente do atletismo no norte de Galicia e como un escenario idóneo para acadar grandes rexistros de cara ás próximas citas oficiais do calendario galego e estatal.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
