Os traballos, que comezaron hai dous días, contan cun orzamento de preto de 800.000 euros financiado por Augas de Galicia, Deputación de Lugo e Concello de Viveiro.
Viveiro, 15 de maio de 2026. As obras de reforma no barrio da Xunqueira para minimizar o risco de inundacións no río Fontecova xa son unha realidade. O proxecto, que arrancou formalmente hai dous días, supón un fito decisivo para a seguridade dunha zona que sufriu as graves consecuencias das riadas no ano 2018.
A alcaldesa de Viveiro, Mariña Gueimunde, manifestou a súa satisfacción polo inicio duns traballos que cualificou de “prioridade absoluta” desde o primeiro día do seu mandato. Gueimunde lembrou que o proxecto estivo paralizado pola “inacción” do anterior equipo de Goberno, que non executara as expropiacións necesarias malia os requirimentos de Augas de Galicia.
“Cando chegamos ao Concello atopámonos cun expediente parado desde novembro de 2024. O anterior Goberno non fixera absolutamente nada respecto á dispoñibilidade dos terreos, poñendo en risco incluso o financiamento europeo”, explica a alcaldesa. “Nós puxémonos mans á obra de inmediato, tramitamos as expropiacións forzosas e puxemos as parcelas á disposición da Xunta para que as máquinas puideran entrar canto antes”.
A intervención conta cun investimento total de 771.505 euros, cofinanciados a tres partes por Xunta de Galicia (Augas de Galicia), a Deputación de Lugo e Concello de Viveiro. O obxectivo principal é realizar melloras estruturais que eviten que o río Fontecova volva desbordarse, garantindo a protección dos veciños e veciñas do barrio da Xunqueira.
A rexedora destacou a importancia de centrarse “no que realmente importa” para Viveiro. “Non podiamos permitir que un proxecto que afecta á seguridade das persoas seguise nun caixón. Cumprimos coa nosa palabra de desbloquear a Xunqueira e hoxe os veciños xa ven que as obras están en marcha”, concluíu.
Corte temporal
Con motivo do avance das obras na Xunqueira, o Concello de Viveiro tamén informa de que o vindeiro luns, 18 de maio, quedará cortado temporalmente o acceso polo Camiño de Fontecova por razóns de seguridade.
A medida é necesaria para executar os traballos de demolición dos muros de contención existentes e a construción dos novos no tramo 1 da actuación. O operativo contará coa correspondente sinalización e coa planificación técnica necesaria para garantir o desenvolvemento seguro das obras.
En todo momento quedará garantido o acceso peonil ás vivendas da zona para as persoas usuarias.
O lobo, os cabalos e as persoas comparten desde hai séculos un mesmo territorio, unha convivencia que forma parte da realidade do rural e que presenta importantes retos. No marco da programación das San Lucas 2026, o Concello organiza este encontro para reflexionar e dialogar sobre esta situación, escoitar diferentes perspectivas e abordar os desafíos que implica compartir espazo co lobo. A cita terá lugar este mércores 21 de outubro, ás 18:30 horas, no Auditorio Pascual Veiga. Trátase dun tema de grande relevancia para o presente e o futuro do rural.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
