A central denuncia que a empresa Demaq Galicia non cumpriu a lei de prevención nin podía terlle encomendado tarefas de elevado risco ao operario falecido, que se atopaba en prácticas
Vilalba, a 18 de maio de 2025. A CIG presentou denuncia o pasado venres na Inspección de Traballo de Lugo solicitando que se realicen as dilixencia de investigación necesarias para esclarecer as causas e depurar responsabilidades polo accidente que lle custou a vida a un traballador en prácticas na empresa Demaq Galicia de Vilalba. A central nacionalista reitera máis unha vez as condolencias trasladadas á familia e ás compañeiras e compañeiros do traballador falecido e avanza que se persoará como acusación particular na causa xudicial aberta por este sinistro.
No escrito remitido á Inspección de Traballo, a CIG salienta que existen indicios claros de que a empresa non cumpría coa lei de prevención de riscos, ao non garantir unha protección eficaz e a integridade física do operario; e ademais non está acreditado que o traballador recibira a formación teórica e práctica necesaria sobre os riscos específicos do posto que desempeñada.
Hai que lembrar que o mozo de 24 anos estudaba unha FP dual e faleceu mentres realizaba tarefas de ensamblaxe e manipulación de estruturas metálicas de gran tonelaxe. Aínda que o convenio de colaboración subscrito pola Xunta e a empresa obriga a que o alumnado teña superada a formación en prevención antes de iniciar as prácticas, tendo en conta o plan de estudos do ciclo, parece claro que o traballador non contaba coa formación específica para os riscos reais que atopou -traballar con pezas de 500kg-.
Este feito constitúe unha neglixencia tanto na supervisión da empresa como na coordinación co centro. A isto súmase que as tarefas de alto risco e carga física que realizaba o operario no momento do accidente non se corresponden coas funcións previstas no plan de formación e incluso a avaliación de riscos da compañía non contempla a posibilidade de que persoas en prácticas realicen este tipo de actividades de alta perigosidade.
Para a CIG estamos ante o exemplo máis dramático e grave do que implica a concepción da formación dual: reducir a calidade educativa, avanzar na privatización do ensino e, sobre todo, fornecer as empresas de man de obra barata sen garantir a protección nin os dereitos laborais básicos do alumnado en prácticas.
Este sinistro mortal tamén pon en evidencia que a empresa ou carecía de procedemento de traballo en elevación ou este non se puxo en práctica, xa que de existir levaría consigo que a zona de perigo por debaixo da carga en suspensión estivera perimetrada e ningunha persoal traballadora puidera permanecer na traxectoria da carga no caso de que esta se deprendera. Esta operación ademais debería estar dirixida por un recurso preventivo.
Por isto, a CIG pide que se investiguen e aclaren os feitos, e unha actuación contundente para depurar as responsabilidades que poida existir. Porque desenvolver a actividade laboral nun lugar de traballo en condicións saudábeis e de seguridade é un dereito.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
