Foz, 19 de maio de 2026. O IES de Foz acolleu unha nova charla da FCAM sobre o futuro laboral na Mariña Lucense. Asistiron estudantes de 4º da ESO e tamén de FP aos que lles insistiron en que “aquí hai futuro, que hai moita demanda de man de obra por parte das empresas, e que tamén nesta comarca é posible emprender”.
Polo centro focense a falar das súas experiencias laborais e persoais pasaron Iván Marrube, Ceo de Reyco, empresa de loxística que ten a súa sede en Fazouro (Foz); Antonio Graña, director dos Paradores de Turismo de Ribadeo e de Vilalba; e Jorge López, cociñeiro e propietario do restaurante O Forno de Tovar, de Lourenzá. A charla foi conducida por José Carlos Paleo, tesoureiro da FCAM.
Iván Marrube incidiu en que “A Mariña é unha comarca con moitas potencialidades, os salarios e os traballos que aquí se poden atopar reúnen as mesmas condicións que os empregos aos que se pode acceder en grandes cidades como A Coruña, Vigo, Madrid, Valencia… E aquí a calidade de vida é inmellorable”.
Antonio Graña contou que “temos a sorte de vivir onde a xente quere pasar as súas vacacións. A Mariña ten futuro. A busca da calidade de vida está atraendo a moita xente a teletraballar nesta zona”. E lembrou que “coñecín mundo, viaxei fora e dentro do país, porque iso da coñecemento, pero co paso dos anos o que buscas é calidade de vida e tempo de ocio e iso na Mariña existe”.
Jorge López amosouse orgulloso de ter sido estudante do IES de Foz “centro do que saíron grandes profesionais. Traballar aquí, formarse aquí é o mellor, é o futuro. Crear un negocio ou traballar nun negocio na Mariña é garantía”; subliñou que “na Mariña hai calidade de vida e futuro laboral” e apostou “polo traballo nas pequenas empresas. Nos somos os bos, somos os que ensinamos e apostamos polos negocios locais e por esta comarca”.
José Carlos Paleo agradeceu “a implicación e a participación de todas as empresas que nos acompañaron nesta xornada para achegar ás rapazas e aos rapaces ao mundo laboral e a todas as posibilidades de futuro que teñen nesta comarca. Moitas grazas ás empresas patrocinadoras deste segundo ciclo de charlas, que son Reyco e BeOne, e á Consellería de Educación. E agradecemento especial tamén para a directora do IES de Foz, Leticia Maseda, pola acollida e por abrirnos as portas do centro unha vez máis”.
Este segundo ciclo de charlas sobre o futuro laboral na Mariña, que organiza a FCAM, arrincou a finais do pasado ano no CIFP Porta da Auga, de Ribadeo, pasou polo IES Monte Castelo, de Burela, polo IES de Ribadeo Dionisio Gamallo, e polo IES de Foz.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
