Burela, 21 de maio, 2026. A Fundación Expomar está presente con stand propio en Navalia, a feira internacional da industria naval que se celebra esta semana en Vigo, onde está a promocionar a próxima edición da Feira Expomar, que terá lugar en Burela do 19 ao 22 de maio de 2027.
O xerente e o responsable de administración da Fundación Expomar reuníronse con Isaac Rosón Sánchez-Brunete, director xeral de Pesca, Acuicultura e Innovación Tecnolóxica da Xunta de Galicia, e con Ramón Damián Fernández Conchas, xefe do Servizo de Mercados, para comezar a abordar cuestións relacionadas coa organización de Expomar 2027.
A Xunta de Galicia, a través da Consellería do Mar, é un dos principais impulsores das actividades da Fundación, especialmente da Feira Expomar, así como doutros eventos pesqueiros que se celebran cada ano en Burela, como as recentes Xornadas Técnicas e o Encontro Empresarial.
Ademais, representantes de Expomar mantiveron un encontro coa delegación da misión comercial da Cámara de Comercio de Barlavento. Con Angelica Fortes, xerente da Feira Internacional de Cabo Verde, e Gil Costa, secretario xeral da Cámara de Comercio de Barlavento, trataron sobre a participación na Feira Expomar Cabo Verde, que se celebrará en outubro en Porto de Mindelo.
Durante Navalia tamén se estableceron contactos con diferentes empresas do sector presentes en Vigo, tanto potenciais expositores que participarán por primeira vez na 21ª edición do evento como firmas xa coñecidas que repetirán presenza en 2027. Entre elas, Astilleros Polymade, que xa confirmou a súa asistencia.
De cara á próxima edición, Expomar reforzará a súa aposta pola pesca recreativa. Por iso, nestes días mantivéronse reunións con empresas e representantes do sector, como Gonzalo Luna, de El Galo Fishing, embaixador de Astilleros Polymade e doutras marcas vinculadas á pesca deportiva. O obxectivo é ampliar a presenza dos deportes náuticos e da pesca recreativa na feira de 2027, unha liña de traballo que estas entidades valoran positivamente.
O xerente da Fundación Expomar, José M. González “Brais”, sinala que “os resultados da nosa presenza en Navalia están a ser altamente positivos, xa que moitos expositores que participaron na última edición da nosa feira xa dan por segura a súa presenza en 2027, e outras empresas que nunca expuxeron en Burela mostraron moito interese en estar presentes nesta nova edición”.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
