Lourenzá, 25 de maio, 2026. As Escolas Deportivas do Concello de Lourenzá celebran este ano o seu 30 aniversario, consolidándose como un proxecto educativo e deportivo de referencia na Mariña e no conxunto do país. Máis alá da práctica deportiva, trátase dunha iniciativa que forma en valores de convivencia, compañeirismo e esforzo.
Desde o BNG laurentino trasladan os parabéns a toda a comunidade deportiva e ás persoas que fixeron posible este proxecto ao longo de tres décadas, creando un espazo de aprendizaxe, participación e concordia. Para a formación nacionalista, esta efeméride é unha ocasión perfecta para recoñecer o labor do alumnado, dos técnicos e adestradores, dos patrocinadores, das directivas e do voluntariado, sempre implicado sen importar que sexa sábado ou domingo. Tamén salientan o papel fundamental das familias, nais e pais que empurran cando faltan vento e recursos, contribuíndo a levar o nome de Lourenzá polo mundo adiante.
As Escolas Deportivas e a Faba: dúas marcas de Lourenzá
“A mellor campaña publicitaria para Lourenzá son os éxitos das Escolas Deportivas, sen esquecer outra raíña laurentina: a Faba. Este tándem fai do noso concello un referente recoñecido tanto pola produción desta leguminosa como pola forza que lles aporta aos nosos deportistas”, afirmou a concelleira-portavoz Belén Fanego.
Novos tempos, novas necesidades
O proxecto iniciado hai 30 anos require hoxe un esforzo constante e unha maior dotación económica. As necesidades medraron: melloras en infraestruturas, adquisición e reposición de material deportivo, desprazamentos a competicións ou organización de eventos. Por iso, o BNG levará a pleno unha proposta para incrementar a partida orzamentaria destinada ao deporte e, en especial, ás Escolas Deportivas, consideradas un servizo esencial para a sociedade laurentina e para garantir que as futuras xeracións poidan seguir aprendendo e participando neste proxecto.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
