A alcaldesa, Marta Rouco, destaca que será “un recurso fundamental para facilitar a conciliación das familias e responder a unha necesidade cada vez máis presente no municipio”
Vilalba, 26 de maio de 2026. O Concello de Vilalba celebrará este xoves 28, ás 18:00 horas, o pleno ordinario correspondente ao mes de maio. A sesión, que terá lugar no salón de plenos da Casa do Concello, incluirá entre os seus puntos principais a aprobación do regulamento do novo servizo municipal “Concilia na tarde”, paso imprescindible para a súa futura posta en marcha.
Un servizo para facilitar a conciliación
“Concilia na tarde” é un novo servizo público dirixido a facilitar a conciliación da vida laboral, familiar e persoal das familias con nenos e nenas escolarizados nos centros públicos de Educación Infantil e Primaria.
A alcaldesa de Vilalba, Marta Rouco, subliñou que a creación deste servizo “responde a unha demanda crecente de moitas familias do municipio que precisan recursos públicos adaptados ás necesidades reais do día a día”. Engadiu que os horarios laborais e o ritmo de vida actual “fan cada vez máis necesarios este tipo de servizos de conciliación”.
Centros participantes e funcionamento
O servizo iniciarase no CEIP Antonio Ínsua Bermúdez, no CEIP Manuel Mato Vizoso e na Escola de Educación Infantil de Vilalba, aínda que queda aberta a posibilidade de incorporalo a outros centros públicos no futuro.
O horario previsto será de 15:30 a 17:30 horas, e contará con persoal especializado. Haberá dúas modalidades de uso:
Usuarios fixos: entre un e cinco días á semana, segundo as necesidades de cada familia.
Usuarios ocasionais: para días puntuais, sempre que existan prazas dispoñibles.
A alcaldesa destacou que se trata “dun servizo pioneiro en Vilalba que permitirá ampliar os recursos municipais destinados ás familias e mellorar a conciliación no municipio”.
Outros asuntos da orde do día
O pleno tamén abordará outros puntos incluídos na parte resolutiva da sesión.
Proposta de cambio de denominación dunha rúa
O Instituto de Estudos Chairegos solicita modificar o nome da actual rúa Valeriano Valdesuso pola de rúa Antón Peña Novo.
A proposta fundamenta o cambio na figura de Antón Peña Novo, historiador vilalbés, fundador das Irmandades da Fala e autor de Villalba en el siglo XIX, destacando a súa contribución á defensa do patrimonio histórico e cultural da vila.
Ao mesmo tempo, a iniciativa propón retirar a denominación actual pola suposta vinculación de Valeriano Valdesuso coa intención de derrubar a Torre da Homenaxe do Castelo de Vilalba, finalmente conservada grazas á oposición veciñal.
Melloras en viais municipais
Tamén se someterá a aprobación unha proposta de reforzo de firme, mellora da drenaxe e sinalización en diversos viais das zonas de Gomariz, O Coto, Os Navallos, Mouriz, O Xuncal e Toxeiro, cun investimento superior aos 103.000 euros.
Actualización de prezos públicos
A sesión incluirá ademais a proposta de aprobación dun novo acordo regulador dos prezos públicos vinculados á organización de espectáculos, aluguer de instalacións e participación en actividades culturais no Auditorio Municipal, co obxectivo de actualizar a normativa e adaptala ás necesidades actuais.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
