O goberno local mantivo unha xunta de voceiros para tentar consensuar as propostas municipais e defenderá melloras orientadas a reducir o tráfico pesado no núcleo urbano
Viveiro, 2 de xuño de 2026. O Concello de Viveiro formulará alegacións ao estudo informativo e de impacto ambiental das variantes leste e oeste do municipio, actualmente en fase de información pública, co obxectivo de mellorar o proxecto e adaptalo mellor ás necesidades reais da vila. Con este fin, o goberno local celebrou hoxe pola mañá unha xunta de voceiros na que se puxeron sobre a mesa as propostas elaboradas a partir dos estudos técnicos realizados polo Concello e das reunións mantidas cos técnicos municipais e, tamén, cos técnicos da Xunta de Galicia, que se desprazaron a Viveiro para analizar o documento e orientar sobre a viabilidade das modificacións que se pretenden formular.
O propósito do executivo municipal era intentar consensuar estas alegacións co resto dos grupos da corporación para remitilas conxuntamente. Ese acordo non foi posible, aínda que si se contou co apoio e coas achegas do grupo Por Viveiro. Con respecto á falta de unanimidade, a alcaldesa Mariña Gueimunde explicou que «démoslles a todos os grupos políticos a posibilidade de que fixeran as súas aportacións e, unha vez máis, o BNG e o PSOE desmarcáronse do que vai ser unha infraestrutura clave para o desenvolvemento económico de Viveiro a curto prazo; nin sequera fixeron suxestión algunha».
A prioridade segue a ser mellorar un proxecto chamado a ter unha incidencia directa na mobilidade do municipio. O obxectivo é deseñar unha variante que contribúa a sacar tráfico pesado do núcleo urbano e que facilite que os movementos de mercadorías vinculados a Porto Celeiro e á actividade madeireira poidan canalizarse por fóra da trama urbana, co que tamén se reforzaría a seguridade viaria e a funcionalidade das conexións.
Entre as alegacións que se presentarán figura a ampliación dos radios de curvatura nalgunhas zonas do trazado, ao considerar o Concello que esa modificación permitiría mellorar as condicións de circulación nunha infraestrutura deseñada para velocidades superiores ás que se viñan mencionando no debate público. O goberno local entende que esta revisión contribuiría a facer máis axeitado o percorrido desde o punto de vista técnico.
O Concello proporá tamén a incorporación de máis carrís de adiantamento ou tráfico lento naquelas zonas nas que as pendentes así o aconsellen, dadas as particularidades orográficas de Viveiro e o condicionante que supón tamén a liña ferroviaria no deseño da infraestrutura.
Outro dos puntos que o Concello considera necesario revisar é o enlace ao centro de Viveiro. A proposta municipal pasa por estudar a posibilidade de non renunciar a esa conexión, pero trasladándoa cara á zona de Pé de Boi, de xeito que poida conectarse coa avenida de Benito Galcerán. Esta alternativa permitiría analizar unha solución máis funcional sen situar o enlace nun punto menos axeitado para o tráfico.
Mariña Gueimunde destacou que «o Concello está a facer un traballo serio e rigoroso, baseado en informes técnicos e na realidade actual de Viveiro, para presentar melloras que poidan ser estudadas». A rexedora engadiu que «o importante é non perder unha infraestrutura necesaria para o futuro da vila e seguir defendendo unha solución útil, viable e pensada para mellorar a mobilidade, a seguridade e a competitividade do municipio».
O documento, agora en exposición pública, é o marco sobre o que corresponde traballar neste momento e que as alegacións municipais irán orientadas a introducir melloras realistas e tecnicamente sostibles para reforzar o proxecto.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
