Viveiro, 4 de xuño, 2026. O Grupo Municipal Socialista votou en contra da modificación da ordenanza municipal aprobada polo goberno do Partido Popular, co apoio de Por Viveiro, que permitirá cobrar entre 80 e 120 euros ás persoas que desexen celebrar unha voda civil no Concello de Viveiro.
O PSOE considera que non é o momento de crear novas taxas nin de incrementar os custos que debe asumir a veciñanza. Sinalan que as familias xa afrontan numerosos gastos e que non comparten que agora se lles obrigue a pagar por un acto que, durante todos os anos de goberno socialista, foi completamente gratuíto.
Para a formación socialista, a celebración dunha voda civil é un acto institucional e un servizo público que debe estar ao alcance de toda a cidadanía sen supoñer un desembolso adicional. Entenden que forma parte das funcións propias dos cargos públicos e da representación institucional do Concello.
As explicacións ofrecidas polo goberno municipal tampouco resultan convincentes para o PSOE. Entre os argumentos esgrimidos figuran os gastos de desprazamento ou a dedicación dos membros da Corporación. Porén, os socialistas lembran que estas tarefas forman parte das responsabilidades inherentes ao cargo, especialmente no caso de representantes que perciben retribucións por dedicación exclusiva ou parcial.
Ademais, consideran difícil xustificar a creación desta taxa cando o retorno económico para as arcas municipais será practicamente insignificante. O número de vodas civís celebradas ao longo do ano é reducido e a recadación prevista sería mínima dentro do orzamento municipal. Por iso, afirman que o prexuízo para a veciñanza é maior que o beneficio económico para o Concello.
Durante os gobernos socialistas nunca se cobrou por este servizo, xa que entendían que o Concello debía facilitar este tipo de trámites e non converter cada servizo nunha oportunidade recadatoria.
O PSOE critica tamén que Por Viveiro volvese apoiar unha proposta do Partido Popular que implica que os veciños e veciñas teñan que pagar por un servizo que ata agora era gratuíto. Consideran que esta decisión evidencia a coincidencia constante entre ambas formacións e a súa disposición a respaldar medidas que supoñen novos custos para a cidadanía.
O PSOE de Viveiro reafirma o seu compromiso cunha administración próxima, útil e sensible ás necesidades da veciñanza, que facilite a vida das persoas en lugar de impoñer novas cargas económicas por servizos que sempre formaron parte da actividade ordinaria do Concello.
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
