A Mariña, 9 de xuño, 2026. UCIN A Mariña denuncia publicamente a preocupante situación que, un verán máis, se repite na sanidade pública da comarca. O incremento de poboación durante os meses estivais, unido á falta de planificación, á escaseza de profesionais sanitarios e á insuficiente dotación de recursos, provoca —segundo a formación— un deterioro evidente na atención que reciben tanto os veciños como as persoas visitantes.
A chegada do verán supón unha presión asistencial extraordinaria para os centros de saúde da comarca e para o Hospital Público da Mariña, en Burela. Porén, ano tras ano persisten os mesmos problemas: falta de especialistas, dificultades para cubrir baixas e vacacións, peches temporais de servizos e plantas, incidencias organizativas e informáticas e unha saturación crecente nas urxencias.
UCIN A Mariña subliña que comprende perfectamente o dereito dos profesionais sanitarios a gozar das súas vacacións e a conciliar a súa vida familiar. A formación insiste en que o problema non reside nos traballadores —que realizan un esforzo extraordinario para manter o sistema en funcionamento—, senón na incapacidade da administración para prever e cubrir adecuadamente as necesidades asistenciais dunha comarca que multiplica a súa poboación durante o verán.
A organización lembra que as estatísticas son coñecidas: número de habitantes, evolución demográfica, envellecemento da poboación e patoloxías máis frecuentes por grupos de idade. Tamén se sabe que A Mariña recibe miles de visitantes adicionais no período estival. Por iso consideran incomprensible que non exista unha planificación suficiente para reforzar a atención primaria e hospitalaria cando máis se precisa.
A esta situación súmanse condutas incívicas que, segundo UCIN A Mariña, tamén deben ser denunciadas. Algunhas persoas usuarias descargan sobre o persoal sanitario frustracións derivadas da falta de recursos do sistema, xerando tensións e faltas de respecto que consideran absolutamente inxustificables. O persoal sanitario —subliñan— merece consideración e apoio, non ser o branco de problemas que corresponden a quen xestiona a sanidade pública.
Tamén lles preocupa o crecente recurso ás derivacións a outros hospitais, especialmente ao Hospital Universitario Lucus Augusti de Lugo, unha medida que, ao seu xuízo, só traslada a saturación dun centro a outro sen resolver as carencias estruturais existentes na comarca.
Por todo isto, UCIN A Mariña esixe ao presidente da Xunta de Galicia, Alfonso Rueda, e á Consellería de Sanidade a posta en marcha inmediata dun plan específico para a comarca que inclúa o reforzo de persoal sanitario, a cobertura efectiva de vacacións e baixas, a recuperación de servizos e a mellora das comunicacións e dos recursos asistenciais.
Declaracións de Rafael González, coordinador de UCIN A Mariña
“A Mariña lleva años soportando una situación sanitaria que se agrava cada verano.
No hablamos de una emergencia imprevisible, sino de una realidad perfectamente conocida por la administración. Los ciudadanos tienen derecho a una atención sanitaria digna durante todo el año y especialmente cuando la población se multiplica. La Xunta no puede seguir gobernando a base de aguantar un día más mientras los problemas se acumulan y los profesionales trabajan al límite de sus posibilidades.”
“Los vecinos de A Mariña merecen el mismo nivel de atención sanitaria que cualquier otro gallego. Exigimos planificación, inversión y soluciones reales. La salud de las personas no puede depender de la improvisación política ni de la resignación de quienes sufren las consecuencias.”
UCIN A Mariña reafirma así o seu compromiso coa defensa dunha sanidade pública de calidade, próxima e suficientemente dotada para responder ás necesidades reais da comarca durante os doce meses do ano.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
