Lugo, 11 de xuño, 2026 O delegado territorial da Xunta en Lugo, Alfonso Villares, e a deputada de Réxime Interior, Promoción do Territorio e Turismo, Pilar García Porto, participaron na presentación da IX Romaxe Viquinga do Vicedo, que se celebrará os días 24 e 25 de xullo. Ambas administracións destacaron o apoio institucional a un evento que, segundo subliñou Villares, “se consolidou rapidamente como un dos que máis visitantes atrae á Mariña e como un elemento dinamizador indiscutible do concello e da contorna”.
A festa terá como escenario a praia de San Román e a de Area Grande, onde se instalarán os campamentos viquingo e cristián, o mercado medieval e diferentes espazos para actividades lúdicas. A programación comezará o venres 24 coa lectura do pregón e o desfile de viquingos e cristiáns pola localidade. O sábado 25 celebraranse os actos principais: o desembarco viquingo ás 12:30 horas, o torneo a cabalo ás 20:00 horas e o tradicional enterramento viquingo ás 22:30 horas, seguido dun espectáculo musical.
A Deputación de Lugo colabora coa Romaxe Viquinga cunha achega de case 19.000 euros a través do Plan Deputación. García Porto destacou que esta ferramenta “permite aos concellos planificar e executar actuacións coma esta”, ao tempo que contribúe a dinamizar a vida social e económica da provincia e a consolidar “un modelo de turismo de calidade e sostible que pon en valor a riqueza patrimonial, especialmente no rural”.
A deputada definiu a Romaxe Viquinga como “un dos eventos máis singulares e atractivos da comarca mariñá”, capaz de atraer milleiros de visitantes cada ano, o que supón “un importante revulsivo económico para O Vicedo e para o conxunto da provincia”. Agradeceu tamén o labor da Asociación Os Cabaleiros de Rías Altas, voluntariado, administracións e veciñanza, “que fan posible que esta cita se celebre ano tras ano”.
No acto tamén participaron o alcalde do Vicedo, José Novo Martínez, e o ilustrador do cartel oficial, Cristian Caruncho, ademais de proxectarse un vídeo resumo da edición anterior.
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
