A formación nacionalista acusa ao alcalde de agocharse detrás dos técnicos: “Gobernar é algo máis que sacar fotos e dar palmadas, é asumir responsabilidades e estar á altura do cargo”.
Ribadeo, 18 de xuño, 2026.O BNG de Ribadeo cualificou de “lamentable espectáculo” a actitude do alcalde, Daniel Vega, no pleno extraordinario celebrado este martes sobre as obras do Hospital-Asilo. O portavoz municipal nacionalista, Martín Graña, acusou o rexedor do PP de intentar utilizar aos funcionarios municipais como “parapeto” para eludir as súas responsabilidades políticas nun caso que definiu como de desleixo absoluto, ocultación e nula capacidade de xestión.
Durante o debate, Graña presentou unha cronoloxía detallada baseada en decretos e informes municipais que, segundo afirmou, desmonta por completo o relato oficial do goberno local.
🔹 Abril de 2024: advertencias ignoradas
Cando a obra levaba case sete meses e só se executara un 4%, os técnicos municipais recomendaron por escrito a imposición de penalidades ou mesmo a rescisión do contrato. O alcalde, segundo o BNG, ignorou o informe, non o fixo público e declarou na prensa que os traballos “ían a bo ritmo”. En maio de 2024, os técnicos reiteraron por escrito a recomendación de rescindir o contrato, sen obter resposta.
🔹 A “mentira dos modificados”
Para xustificar os atrasos, Vega asegurou en medios que se estaban a realizar “modificacións no proxecto”. Porén, os técnicos confirmaron na comisión informativa que nunca existiu ningún modificado, extremo que o propio alcalde acabou recoñecendo en febreiro de 2025.
🔹 Pagos baixo sospeita
En febreiro de 2026, o BNG detectou nun decreto unha acta de comprobación de decembro de 2025 que certificaba e pagaba traballos que, segundo o grupo nacionalista, non estaban executados nin presentes na obra.
🔹 Bloqueo informativo
O BNG solicitou acceso ao expediente en tres ocasións (febreiro, marzo e abril de 2026), pero o goberno local negoullo sempre, malia comprometerse a convocar unha Xunta de Portavoces que nunca se celebrou.
🗣️ “Cal é o Daniel Vega que di a verdade?”
No pleno, Graña reprochoulle ao alcalde que se presente como vítima do proceso administrativo e esixiulle explicacións sobre cuestións que o PP deixou sen responder, como quen ordenou trasladar radiadores da obra á empresa concesionaria cando ese traballo non formaba parte do contrato.
O portavoz preguntouse:
“Por que non tomou a decisión valente e responsable de rescindir o contrato en abril de 2024 cando llo recomendaron os técnicos? Para que quere Ribadeo un alcalde que cando as cousas van ben se apunta as medallas e cando van mal minte na prensa, bota balóns fóra e escúdase nos funcionarios?”
Graña engadiu que o alcalde “se pon de perfil, non asume ningunha responsabilidade e mesmo se declara orgulloso da xestión da obra do Hospital-Asilo, nunha mostra máis de falta de respecto ás persoas afectadas e a toda a veciñanza”.
📑 O BNG acode ao Consello de Contas
Ante o “apagón informativo” do goberno do PP, o BNG presentou unha denuncia no Consello de Contas. Graña concluíu pedindo ao alcalde que actúe:
“Cumpra co seu deber, aclare canto diñeiro público foi mal empregado, recupere ata o último céntimo e remate dunha vez unhas obras fundamentais. Pense nos usuarios desprazados e nas familias que seguen agardando mentres o Asilo continúa empantanado pola súa nula capacidade de xestión”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
