Viveiro, 5 de xullo, 2026. O Resurrection Fest Estrella Galicia 2026 baixou o pano dunha edición para o recordo. Máis de 140.000 asistentes en Viveiro gozaron durante catro xornadas de 100 bandas repartidas en catro escenarios, confirmando unha vez máis o extraordinario momento que vive o festival e superando as cifras da xa histórica edición do 20º aniversario, celebrada en 2025.
A edición deste ano volveu bater récords de asistencia dentro do propio recinto. A xornada do xoves converteuse no día con maior afluencia de público de toda a historia do Resurrection Fest, reflectindo o enorme interese espertado por un cartel que reuniu algunhas das bandas máis importantes do planeta.
Viveiro volveu acoller algunhas das maiores lendas da historia da música. Iron Maiden, iconas irrepetibles do heavy metal, ofreceron unha actuación destinada a quedar gravada para sempre na memoria do festival. Xunto a eles, Sabaton, unha das bandas máis destacadas do metal contemporáneo; Limp Bizkit, protagonistas do que xa moitos consideran o concerto máis lendario vivido no Resurrection Fest; ou o inconfundible Marilyn Manson, un dos grandes iconos mundiais do rock, fixeron desta unha edición sinxelamente inesquecible.
O festival volve demostrar que transcende o puramente musical para converterse nun motor económico, social e cultural de primeiro nivel. A edición de 2026 xerou máis de 1.500 postos de traballo directos e máis de 4.000 empregos indirectos, cunha repercusión socioeconómica estimada en máis de 50 millóns de euros e un impacto mediático superior aos 60 millóns. En conxunto, o Resurrection Fest Estrella Galicia acada un impacto global superior aos 110 millóns de euros, consolidándose como un dos principais motores culturais e económicos de Viveiro, A Mariña, a provincia de Lugo e toda Galicia.
Estes datos son o reflexo dun proxecto que continúa medrando sen perder a súa esencia. Un festival nacido en 2006 que, vinte anos despois, segue a construírse desde a paixón pola música, pola cultura e por unha comunidade que converteu o Resurrection Fest en moito máis ca un evento: nunha forma de entender a música en directo.
A organización quere agradecer profundamente a confianza e o compromiso de todos os patrocinadores que fan posible este proxecto. De maneira moi especial, ao Concello de Viveiro, á Deputación de Lugo e á Xunta de Galicia, cuxa colaboración resulta fundamental para que o chamado “milagre viveirense” siga sendo unha realidade ano tras ano.
Así mesmo, merece un recoñecemento especial Estrella Galicia, compañeira de viaxe desde a primeira edición do festival e partner estratéxico que acompañou ao Resurrection Fest desde o seu nacemento. O seu apoio constante forma parte inseparable da historia e do crecemento do festival.
Pero, por riba de todo, esta edición volve pertencer a quen realmente fai posible o Resurrection Fest: o seu público. Grazas ás decenas de miles de persoas chegadas desde todos os recunchos do mundo que, un ano máis, demostraron por que esta comunidade é única. O Resurrection Fest existe grazas a todos eles desde aquel primeiro festival celebrado en 2006 e continúa medrando mantendo intactos os seus valores: convivencia, respecto e paixón pola música.
A organización quere destacar tamén o traballo do equipo de Bring The Noise, a promotora do festival. Un equipo humano que dedica os doce meses do ano a preparar con enorme esforzo, dedicación e agarimo un evento que o público goza durante catro días. O Resurrection Fest segue sendo un festival feito a man por amantes da música para amantes da música.
E precisamente co peche desta edición, Bring The Noise xa traballa no Resurrection Fest Estrella Galicia 2027, co obxectivo de seguir facendo medrar un proxecto que ano tras ano continúa elevando o listón e consolidando a Viveiro como unha referencia imprescindible para a música en directo en Europa.
O noso agradecemento esténdese igualmente a todos os provedores, colaboradores e empresas que participan no festival, cunha mención especial á industria galega, amplamente representada nesta edición. Apostar polo talento, os servizos e o tecido empresarial de Galicia seguirá sendo unha prioridade para o Resurrection Fest.
A edición de 2026 volve celebrarse sen incidencias reseñables e deixa para a historia algunhas das imaxes máis espectaculares que viviu a música en directo no noso país. Un festival que continúa medrando, batendo récords e demostrando que desde Viveiro se pode construír un dos grandes eventos musicais de Europa.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
