Viveiro, 8 de xullo, 2026. O vindeiro domingo, 12 de xullo, ás 12.00 horas, celebrarase na Praza do Náufrago, en Celeiro, a tradicional misa anual en lembranza dos falecidos no mar, un acto de homenaxe ás xentes do mar que perderon a vida no seu traballo.
A celebración coincide co 65º aniversario da Galerna do Cantábrico do 12 de xullo de 1961, un dos episodios máis tráxicos da historia marítima da comarca. Naquel fatídico temporal afundiron tres embarcacións do porto de Celeiro —Badiola, Todos los Santos e Mari Loly Grela—, ademais do Santa Lucía, con base en Espasante. O balance foi de trinta vítimas mortais, das que vinte e nove desapareceron no mar, recuperándose unicamente o corpo dun dos mariñeiros.
A traxedia deixou unha fonda pegada en Celeiro, Viveiro, Covas e noutras localidades da contorna, que viviron días de profunda dor e incertidume pola perda de tantos homes do mar, deixando en terra 22 viúvas e 43 orfos.
Desde 1995, ano da inauguración da Praza do Náufrago —presidida pola escultura do Monumento ao Náufrago, obra de Xosé Luis Neira Brochs—, a Comisión Pro-Monumento ao Náufrago organiza anualmente este acto de recordo e homenaxe.
A misa estará presidida polo párroco da Unidade Pastoral de Viveiro, D. Alejandro Piñón Espasandín, e contará coa participación musical do grupo Sons de Celeiro, que achegará solemnidade a unha xornada de memoria, respecto e recoñecemento ás xentes do mar.
Cada ano, centos de persoas acoden a este acto para amosar o seu respecto, elevar oracións e manter viva a memoria de todos os falecidos no mar, coincidindo coa conmemoración dunha efeméride que marcou profundamente a historia mariñeira de Celeiro e da súa contorna.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
