A alcaldesa manterá este mércores 15 de xullo unha reunión informativa coas veciñas e veciños da contorna para explicar os traballos previstos
Burela, 13 de xullo de 2026. O Concello de Burela iniciará entre os días 3 e 7 de agosto a primeira fase da prospección xeofísica prevista na zona da Punta do Cabo, unha actuación que permitirá explorar e cartografar este espazo mediante técnicas non invasivas co obxectivo de dispor de información para caracterizar a estrutura e extensión do castro de Cabo, inexplorado ata a data con metodoloxía científica. Os traballos contan xa co permiso da Dirección Xeral de Patrimonio Cultural da Xunta de Galicia, mentres continúan os trámites para a autorización dos voos de dron previstos nesta primeira fase.
A alcaldesa convocou unha reunión informativa coas veciñas e veciños dos terreos da contorna, que terá lugar o mércores 15, ás 19.00 horas, no salón de plenos da Casa do Concello na que tamén participará a asociación A Mariña Patrimonio.
Segundo o proxecto, esta primeira fase desenvolverase exclusivamente mediante técnicas non invasivas, polo que non se prevé ningunha alteración do terreo. Os traballos consistirán na colocación de pequenas estacas de madeira, duns cinco centímetros de profundidade, para xeorreferenciar os puntos de estudo, así como na realización dunha prospección xeofísica e de voos de dron para a recollida da información necesaria.
En función dos resultados que se obteñan nesta primeira intervención, valorarase a posta en marcha dunha segunda fase de traballos. Nese caso empregaríase un equipamento de maior tamaño, aínda que tampouco está previsto que produza alteracións no terreo.
A finais do pasado mes de febreiro a alcaldesa asinou o contrato para desenvolver esta actuación, que foi adxudicado á Agencia Estatal Consejo Superior de Investigaciones Científicas, M. P., por 12.947,21 euros. Dende entón, avanzouse na tramitación das autorizacións necesarias e no contacto coas persoas propietarias dos terreos, xa que para executar a prospección é preciso acceder ás parcelas e realizar algunhas tarefas de limpeza. A maior parte da veciñanza xa foi informada, aínda que a reunión convocada para este mércores servirá tamén para chegar ás persoas coas que aínda non foi posible contactar directamente e explicar a intervención.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
Estivo arroupado nun salón de actos repleto de xente.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
