O acordo dá continuidade á colaboración que fai posible a VIII edición da Escola de Iniciación de Futur@s Gandeir@s que comeza o 20 de xullo na Finca Mouriscade de Lalín
Ribadeo, 17 de xullo de 2026. A cooperativa rural galega CLUN e a Federación Frisona Galega (FEFRIGA) asinaron este venres un convenio de colaboración co que renovan, por terceiro ano consecutivo, a súa aposta conxunta polo futuro da gandería galega.
Rubricaron o acordo o presidente de FEFRIGA, Manuel Sandamil, e o presidente de CLUN, José Ángel Blanco Purriños. Esta alianza nace da vontade de impulsar a vocación gandeira entre os máis novos e de achegar as novas xeracións a esta actividade desde un enfoque profesional.
Froito deste acordo, CLUN volve apoiar as Escolas de Iniciación de Futur@s Gandeir@s, organizadas polo Club de Xóvenes Gandeiros de Galicia, integrado en FEFRIGA. A actividade está dirixida a rapaces e rapazas de entre 9 e 25 anos, e consiste nun campamento de verán no que os participantes conviven durante unha semana. Trátase da oitava edición desta escola coa que xa van máis de 160 matriculas de participantes que realizaron este campamento gandeiro.
Nestas escolas, os alumnos e alumnas adquiren coñecementos prácticos esenciais para manexar e coidar o gando, unha formación que busca espertar vocacións e sentar as bases de futuros profesionais do sector. Celebrarase a vindeira semana, do 20 ao 24 de xullo, na Finca Mouriscade de Lalín.
Alén do campamento, os rapaces e rapazas participan tamén nos concursos de manexo que se desenvolven en distintas feiras gandeiras ao longo do ano, unha iniciativa que tamén apoia CLUN.
Aposta polo relevo xeracional
O compromiso de CLUN coa escola materialízase de varias maneiras. A cooperativa achega a indumentaria para o alumnado e para os participantes dos campionatos de manexo, e subministra iogures e leite das súas marcas (CLESA, ÚNICLA A2 e FEIRACO) para o comedor dos alumnos. Ademais, tamén destina unha aportación económica para colaborar cos custos desta formación.
Con esta renovación, CLUN reafirma o seu compromiso co futuro do rural, entendendo o apoio ás novas xeracións de gandeiros e gandeiras como unha ferramenta clave para garantir o relevo e o desenvolvemento sostible do sector primario galego.
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continúa o sábado, a partir das 19.00 horas, coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
As persoas asistentes poderán degustar a tradicional merluza de pincho preparada en diversas elaboracións, nun ambiente festivo que se completará con animación musical para gozar dunha noite de sabor, encontro e bo ambiente.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
