Ribadeo, 25 de xullo, 2026. O vindeiro 12 de agosto Ribadeo será escenario dun fenómeno astronómico excepcional: un eclipse solar que poderá observarse na súa totalidade desde a Mariña. Para o BNG de Ribadeo, esta ocasión debería servir para poñer en valor o patrimonio natural do concello e promover un turismo científico, sostible e respectuoso. Porén, a formación nacionalista considera que tanto o goberno municipal como a Xunta de Galicia están a demostrar unha vez máis a ausencia dun modelo claro, unha falta de autoestima e un grave desprezo polo medio ambiente.
O BNG manifesta a súa profunda preocupación ante a organización dun evento nas inmediacións da praia das Catedrais que inclúe unha pantalla xigante e diversas actuacións musicais, entre elas a dunha orquestra de gran formato. A formación denuncia que esta decisión pon en risco a protección dun dos Monumentos Naturais máis valiosos e visitados de Galicia, priorizando o espectáculo de masas fronte á conservación e ao turismo de calidade. Lembra que a praia das Catedrais xa conta cunha sona internacional consolidada, con aforo completo en tempada alta e unha constante presenza en producións audiovisuais, polo que seguir apostando por unha promoción masiva revela, ao seu xuízo, unha visión turística desfasada.
O BNG critica que o que inicialmente se anunciara como unha actividade para observar o eclipse cunha explicación guiada dun astrónomo de prestixio acabou convertido nunha nova festa promovida polo goberno local. A formación alerta dos riscos de celebrar unha verbena nocturna na contorna superior dos cantís, un espazo protexido e de difícil control, especialmente no que atinxe á seguridade, ao acceso indebido ás zonas sensibles e á posible acumulación de lixo.
A recente clausura temporal da praia por motivos de seguridade, sinala o BNG, evidencia a urxencia de adoptar medidas de protección. Lembra que Ribadeo conta desde 2020 cun Plan Especial de Protección das Catedrais, que prevé un aparcadoiro exterior e un centro de interpretación para ordenar os accesos, mais denuncia que o alcalde Daniel Vega non avanzou na súa implantación en tres anos de mandato.
Para o BNG, esta parálise e a organización dunha macrofesta nun espazo protexido poñen de manifesto a incapacidade do goberno municipal para exercer unha xestión rigorosa. Afirma que o executivo local recorre a festas e propaganda para ocultar a falta de proxecto e de solucións aos problemas reais do concello. A formación insiste en que As Catedrais son un tesouro natural e non un escenario para o autobombo institucional.
Por todo isto, o BNG de Ribadeo:
– Esixe ao alcalde e á Xunta a rectificación inmediata e a reubicación das actividades festivas en espazos urbanos da vila.
– Reclama que na contorna das Catedrais só se desenvolvan actividades de divulgación científica controlada, con aforo limitado e sen impacto acústico nin luminoso.
– Demanda a activación urxente do Plan Especial de Protección das Catedrais para ordenar definitivamente os accesos ao areal.
A formación conclúe que protexer As Catedrais é garantir o futuro de Ribadeo, e que o patrimonio natural non debe poñerse en risco para compensar a falta de xestión dun goberno municipal á deriva.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
