Na Xunta de Goberno deste venres tamén se aprobou a liquidación da obra, a liquidación do convenio co Concello da Pontenova, así como a reclamación de danos e prexuízos á empresa adxudicataria polo incumprimento do contrato
Lugo, 31 de xullo de 2026. A Xunta de Goberno da Deputación de Lugo deu este venres un paso decisivo para rematar as obras do Centro de Atención a Maiores (CAM) da Pontenova. Así informou a voceira socialista do Goberno, Pilar García Porto, quen detallou que se vén de aprobar a liquidación da obra, a liquidación do convenio subscrito co Concello da Pontenova, a reclamación de danos e prexuízos á empresa adxudicataria polo incumprimento do contrato e o encargo á empresa pública Tragsa dos traballos necesarios para rematar o centro.
A Deputación resolve así unha situación provocada polo concurso de acredores da empresa adxudicataria, Jesús Naray Construcciones SL, que obrigou a paralizar os traballos cando a obra estaba executada aproximadamente nun 70%. Esta circunstancia atrasou a posta en funcionamento dunha infraestrutura moi demandada pola veciñanza da Pontenova e da súa contorna.
No marco dos acordos adoptados, a institución provincial aprobou tamén iniciar a solicitude de indemnización por danos e prexuízos contra a empresa responsable da paralización da obra, co obxectivo de reclamar os prexuízos ocasionados á administración provincial e, especialmente, ás persoas que levan anos agardando pola apertura deste servizo asistencial.
Ao mesmo tempo, a Xunta de Goberno deu luz verde á liquidación do convenio de colaboración co Concello da Pontenova para adaptalo á situación actual do proxecto, garantindo que o marco de cooperación entre ambas administracións responda á realidade na que se atopa a actuación.
Encargo a Tragsa
O acordo máis relevante consiste no encargo a Tragsa como medio propio da Deputación de Lugo, da execución das actuacións necesarias para finalizar o Centro de Atención a Maiores. Previamente, a institución provincial solicitoulle á empresa pública un estudo técnico e económico para determinar os traballos pendentes e o seu custo. Ese estudo fixa un investimento total de 2.032.800,44 euros para completar a residencia.
A actuación inclúe o remate integral do edificio, a reparación dos elementos deteriorados durante o tempo que a obra permaneceu paralizada e a instalación de todos os equipamentos necesarios para o seu funcionamento, entre eles o sistema de chamada enfermeira-paciente, o ascensor de padiolas e as instalacións de ventilación, calefacción e produción de auga quente sanitaria.
A actualización do investimento responde á evolución dos prezos desde a redacción do proxecto inicial, elaborado no ano 2019 e posteriormente modificado. Nestes sete anos, o Índice de Prezos ao Consumo acumulou un incremento do 23,1%, segundo os datos do Instituto Nacional de Estatística, circunstancia que condiciona o custo actual da execución.
Con este encargo, a Deputación garante que a obra poida retomarse con axilidade e executarse coas máximas garantías técnicas e de calidade, permitindo que a Pontenova dispoña canto antes dun Centro de Atención a Maiores plenamente operativo.
Novos avances para o Centro de Atención a Maiores de Becerreá
Na mesma sesión, a Xunta de Goberno aprobou tamén a licitación do equipamento industrial da cociña colectiva e da adaptación completa da cociña do Centro de Atención a Maiores de Becerreá. A actuación conta cun orzamento de preto de 460.000 euros e un prazo de execución previsto de cinco meses. Este contrato permitirá dotar ao centro dunha cociña completamente equipada e adaptada ás necesidades do servizo.
Este novo paso súmase á licitación, xa aprobada pola Deputación, da subministración do equipamento xeral do centro, cun investimento superior ao millón de euros.
Con estas actuacións, a institución provincial continúa avanzando na posta en marcha do Centro de Atención a Maiores de Becerreá, dotándoo de todos os medios necesarios para ofrecer unha atención de calidade ás persoas maiores da comarca desde o inicio da súa actividade.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
