“Primeiro prometen investimentos, logo non os executan e, cando lles pedimos contas, respóndennos que o que aparece nos Orzamentos é simplemente estimativo”
A Mariña, 8 de setembro de 2026. O senador do Partido Popular pola provincia de Lugo José Manuel Balseiro acusa ao Goberno de Pedro Sánchez de “agochar deliberadamente o seu incumprimento coa Autovía da Mariña” despois de que o Executivo se negara a informar no Senado sobre as cantidades realmente executadas na A-74 desde o ano 2019.
Balseiro explica que os senadores lucenses preguntaron de maneira “clara e imposible de malinterpretar” que cantidades se consignaron para os distintos tramos da A-74 desde 2019 e cal foi o grao de execución de cada unha delas.
“A resposta é que non responden. Non dan unha soa cifra, nin unha porcentaxe, nin un euro executado. E non o fan porque saben perfectamente que os datos deixarían ao descuberto anos e anos de promesas orzamentarias incumpridas coa Mariña”, asegura.
“É UNHA AUTÉNTICA TOMADURA DE PELO AOS MARIÑÁNS”
O senador popular considera aínda “máis grave” a explicación coa que o Goberno pretende xustificar o seu silencio. Na resposta parlamentaria, o Executivo afirma que as anualidades incluídas nos Presupostos Xerais do Estado teñen “carácter estimativo” e que non constitúen compromisos xuridicamente vinculantes respecto do ritmo de execución das actuacións.
“Agora resulta que os millóns que anuncian nos Presupostos serven para facer titulares, roldas de prensa e propaganda, pero cando chega o momento de comprobar se se gastaron, o Goberno dinos que esas cantidades non comprometen a nada. Primeiro presupostan, despois non executan e finalmente pretenden convencernos de que nunca tiveron obriga ningunha de cumprir”, critica.
“PROMETERON OBRAS EN 2024; ESTAMOS EN SETEMBRO DE 2026”
Balseiro lembra ademais que esta explicación chega despois de que o PSOE utilizase a A-74 como promesa electoral nas eleccións xerais de 2023, cando se comprometeu a iniciar as obras da Autovía da Mariña en 2024. Ese compromiso foi lembrado este mesmo ano polo senador mariñán ante o ministro de Transportes.
“Estamos en setembro de 2026. Pasou 2024, pasou 2025 e está rematando 2026 sen que se construíse un só quilómetro. Nin máquinas, nin obras, nin licitación. A realidade é infinitamente máis contundente que toda a propaganda do PSOE”, sinala.
De feito, a propia contestación oficial do Goberno recoñece que os proxectos dos tramos Burela-Foz, Foz-O Carme e O Carme-Barreiros continúan aínda en redacción.
Balseiro destaca que, despois de case oito anos de Goberno de Pedro Sánchez, “é moi difícil explicar que unha infraestrutura que o PSOE cualificaba de histórica e prioritaria continúe atrapada basicamente entre papeis e proxectos”.
MENOS AUTOVÍA E MÁIS ATRASOS
O senador popular lembra igualmente que durante estes anos o Ministerio foi fragmentando e reducindo os tramos da infraestrutura. Como exemplo, o primeiro tramo inicialmente previsto entre Foz e Barreiros tiña arredor de 11,15 quilómetros e a actuación que se tramita actualmente entre O Carme e Barreiros queda reducida a aproximadamente 6,3 quilómetros, unha decisión sobre a que o PP xa denunciou que o Goberno non ofreceu unha explicación concreta.
“O balance do PSOE coa A-74 é difícil de empeorar: non cumpriron os investimentos, non cumpriron os prazos, non cumpriron a promesa electoral de iniciar as obras e, ademais, foron recortando os proxectos. E agora nin sequera queren dicirnos canto do que presupostaron deixaron sen executar”, resume Balseiro.
O senador mariñán considera que a contestación recibida no Senado “confirma a falta absoluta de transparencia” do Ministerio e avanza que o PP seguirá reclamando información sobre a execución real de todas as partidas destinadas á A-74.
“Os mariñáns teñen dereito a saber onde quedaron os cartos que ano tras ano aparecían nos Orzamentos e, sobre todo, cando pensa o Goberno deixar de redactar papeis e empezar dunha vez a construír a Autovía da Mariña”, conclúe.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
