O Auditorio Hernán Naval acollerá o domingo 25 de outubro dous pases de 3 Elementos – Una experiencia mágica inmersiva 360º
Ribadeo, 19 de outubro, 2026. O circuíto de intercambio cultural a través das artes escénicas Camiño Escena Norte (CEN) chega a Ribadeo na súa oitava edición. O domingo 25 de outubro, o Auditorio Hernán Naval acollerá dous pases, ás 19.30 e ás 20.30 horas, de 3 Elementos – Una experiencia mágica inmersiva 360º, do ilusionista navarro Hodei, Premio Nacional de Maxia 2025.
Lonxe dos formatos tradicionais, Hodei actúa rodeado polo público en 360 graos, nun espazo íntimo e de aforo reducido no que cada detalle está pensado para que os espectadores se convertan en protagonistas dunha viaxe multisensorial. O ilusionista articula a proposta arredor de tres elementos, a creatividade, a curiosidade e a paixón, que acompañan a infancia e que a vida adulta tende a conter, e entrelaza maxia, historias e emocións ao longo de 40 minutos. O espectáculo está dirixido a todos os públicos, a partir de 7 anos.
As entradas, a 10 euros (5 euros para persoas desempregadas, xubiladas ou estudantes), poderán adquirirse na billeteira do auditorio desde 30 minutos antes de cada pase. Con esta cita, Camiño Escena Norte pecha a súa presenza na provincia de Lugo nesta edición.
Camiño Escena Norte
CEN é unha iniciativa promovida polas propias asociacións profesionais de produtoras de artes escénicas Escena Galega (Galicia), EscenAsturias (Asturias), ACEPAE (Cantabria), Escena (Euskadi), ESNA (Navarra) e AEscena (A Rioxa). O programa mostra, desde a súa creación, parte da mellor produción escénica profesional dos seis territorios, con múltiples linguaxes, disciplinas e propostas estéticas que abranguen teatro, monicreques, ilusionismo, danza e artes do movemento e circo contemporáneo.
Camiño Escena Norte conta co apoio económico da Xunta de Galicia, a través da Axencia Galega das Industrias Culturais (Agadic) e da Deputación de Lugo; xunto ao Gobierno del Principado de Asturias, Gobierno de Cantabria e Gobierno Vasco; as deputacións forais de Araba, Bizkaia e Gipuzkoa; o Gobierno de Navarra, o Gobierno de La Rioja e o Ministerio de Cultura. Vegalsa-Eroski mantense como patrocinador oficial.
AXENDA CAMIÑO ESCENA NORTE
25.10.2026, 19:30 h e 20:30 h | Ribadeo. Auditorio Hernán Naval
3 Elementos – Una experiencia mágica inmersiva 360º, de Hodei (Navarra)
Ilusionismo · Todos os públicos (a partir de 7 anos) · 40 min · Formato multipase
Xeral: 10 € · Persoas desempregadas, xubiladas ou estudantes: 5 €
Venda na billeteira desde 30 minutos antes de cada pase
Sinopse 3 Elementos – Una experiencia mágica inmersiva 360º
Lonxe dos espectáculos tradicionais, Hodei presenta unha experiencia máxica inmersiva nunca antes vista, na que o ilusionista revelará os tres elementos que marcaron o camiño cara ao que somos hoxe e amosará como poden inspirar o noso propio percorrido, nun encontro onde a maxia se entrelaza con historias e emocións. Ante un público reducido e querendo amosarse por completo, farao rodeado en 360 graos, nun ambiente íntimo no que cada instante é único e cada detalle está coidadosamente deseñado para que o público se converta no protagonista dunha viaxe multisensorial. Nun espazo próximo, lonxe das multitudes, a maxia non só se ve… séntese.
Hodei
Hodei (Premio Nacional de Maxia 2025) é un ilusionista especializado en maxia teatral que, desde 2014, desenvolve espectáculos cunha clara vocación escénica, nos que a maxia se integra como ferramenta narrativa ao servizo da mensaxe. O seu traballo parte da procura constante dunha maxia contemporánea, capaz de conectar co espectador actual e dialogar con el desde o emocional, a través de producións que xeran unha experiencia compartida. Con formación e percorrido ligados ao teatro desde a infancia, as súas propostas combinan texto, comedia xestual e unha posta en escena coidada. Ademais, levou a súa maxia a Francia, Portugal e Alemaña, asesorou en cine, musicais e publicidade, e realizou funcións ante máis de 5.000 espectadores.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocou o luns a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
