Nota de prensa
O CONCELLO RENOVA O ALUMADO PÚBLICO DAS RÚAS ASTURIAS E CONCEPCIÓN ARENAL CON TECNOLOXÍA DE AFORRO ENERXÉTICO
As obras teñen un orzamento de 51.412 euros e consisten na renovación de 19 luminarias, 10 columnas e 8 brazos de fachada
O Concello vese na necesidade de afrontar este tipo de actuacións debido á continua subida das tarifas enerxéticas que está a facer o Goberno do Estado
Cervo, 7 de abril de 2010.- No día de hoxe deron comezo os traballos de mellora e modernización dos alumados públicos nas rúas Concepción Arenal e Asturias de San Ciprián.
Esta actuación nace a raíz dun convenio subscrito hai un mes entre o Concello de Cervo e o Instituto Enerxético de Galicia (INEGA), dependente da Consellería de Industria da Xunta de Galicia e o seu obxectivo principal é a substitución das actuais luminarias por unhas novas de tecnoloxía led de aforro enerxético. “Vimos a necesidade de cambiar a iluminación nestas dúas rúas porque se trataba de instalacións xa bastante antigas que presentaban altas cifras de consumo” recoñeceu o alcalde de Cervo, Alfonso Villares, quen indicou que as obras que se están realizando consisten na substitución das luminarias existentes por outras novas de tecnoloxía led. “En concreto vanse substituír 19 luminarias e tamén aproveitaremos para repoñer 10 columnas galvanizadas e oito brazos que van colocados nas distintas fachadas dos edificios destas rúas” sinalou o alcalde.
Villares indicou tamén que o orzamento deste proxecto é de 51.412,94 euros e recoñeceu que o Concello se está a ver na necesidade de afrontar este tipo de actuacións de aforro enerxético debido ”á continua subida das tarifas que está a facer o Goberno do Estado” sinalou. “Por iso -continuou- temos que afondar nestas políticas de investimento á hora de buscar a maior eficiencia e o maior aforro enerxético en todas as nosas instalacións eléctricas municipais”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
