XOVE.- O pasado sábado, no centro social de Lago fíxose a X tirada da Liga de Bolos do Concello de Xove. Nunha tarde fría e campo moi mollado e embarrado, o que fixo que a competición fose difícil, de aí as baixas puntuacións. Participación: 18 na Liga de Maiores e 6 na Liga Sub 18.
Liga de Maiores.- Despois dunha tempada certamente irregular, vitoria de Carlos Javier Rodríguez, un dos animadores do Campionato, e a priori sempre un dos favoritos ao trunfo final; esta vitoria permítelle a Carlos Javier pasar do 9º ao 6º posto, co fin de intentar nas 8 tiradas que faltan un achegamento maior aos postos de cabeza. Vistos os resultados desta primeira tirada do ano, dicir que os primeiros estiveron moi igualados, en consecuencia non aparecen grandes diferencias na clasificación, agás Augusto Albo, o cal perde dous postos, pasa do 3º ao 5º posto na xeral ao obter só dous puntos na tirada. Como conclusión, os favoritos seguen en cabeza. prevéndose unha segunda volta moi disputada, dado que ningún xogador ata o momento está amosando unha superioridade manifesta.
Liga Sub 18.-. O actual líder, Andrés Rodríguez, despois dunha final da primeira volta bastante irregular, parece que as vacacións sentaronlle ben e comezou o ano con vitoria á que lle sumou o punto da mellor bolada, isto confirma a súa candidatura ao trunfo final; os 46 puntos que leva, 15 máis co segundo, fan que poida asumir esta segunda volta cunha certa tranquilidade. Segundo continúa Jose Vigo, quen despois dun comezo de temporada irregular, está a obter excelente resultados, e, hoxe por hoxe, practicamente o único que lle pode facer sombra a Andrés para o trunfo final.
Despois desta volta esta é a clasificación.
A Vindeira tirada, e segunda desta segunda volta, vai ter lugar no CENTRO SOCIAL DE PALMEIRO, O VINDEIRO SÁBADO, 17 DE XANEIRO DE 2009
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
