Nota de prensa:
O BNG PIDE AO GOBERNO GALEGO QUE DEIXE DE ESTENDER A CONTAMINACIÓN POLO PAÍS E FAGA OS SEUS DEBERES SANEANDO O NOSO LITORAL
Os nacionalistas cervenses rexeitan as intencións de Pesca de traer a Morás unha planta para depurar bivalvos contaminados e defenderán unha iniciativa neste sentido no pleno municipal de non retirarse o proxecto.
Estúa acusou a Pesca de actuar de costas ao sector cunha medida que non lles trae ningún beneficio.
Cervo, 5 de agosto de 2011. O BNG acusou á Consellería de Pesca de actuar pola vía dos feitos consumados e vir á Confraría de San Cibrao a explicar aos afectados unha medida que xa está tomada que non trae ningún beneficio para o sector pesqueiro nin acuícola. Xoán Antón Estúa, portavoz municipal nacionalista engadiu que as zonas B eC cuxa produción de bivalvos está afectada por microorganismos patóxenos está nesta situación pola falta de compromiso do goberno galego que durante anos obviou as súas obrigas no saneamento e depuración de augas residuais e agora Pesca pretende trasladar aquí os problemas doutros lugares. O nacionalista pediu ao alcalde de Cervo que se posicione sobre este asunto que preocupa ao sector pesqueiro agrupado na Confraría de San Cibrao, ao sector da acuicultura e pon en perigo un ecosistema limpo de contaminantes como é a ensenada de Morás.
O PP non remata o saneamento de San Cibrao, nin cumpriu a lexislación europea sobre saneamento das rías galegas e agora traslada aquí o seu marisco contaminado por coliformes.
Os nacionalistas cervenses acusaron ao Partido Popular de non cumprir as súas obrigas sobre saneamento e depuración de augas residuais nas rías galegas, “desperdiciando tempo e financiamento” que evitarían os graves problemas de contaminación mariña en zonas de alta produción marisqueira que agora a Consellaría de Pesca quere trasladar aquí. Na mesma liña, Estúa acusou ao goberno local cervenes de ficar calado e inactivo diante da parálise das obras de saneamento de San Cibrao, cuxo emisario está sen construír, “aquí non valen escusas sobre quen debe facer a obra, hai que rematala e acabar cos vertidos residuais que fixeron perder todas as bandeiras azuis do concello”.
A reinstalación de marisco contaminado doutras zonas non trae ningún beneficio para a comarca.
Os nacionalistas acusaron á Consellaría de Pesca de impoñer pola vía dos feitos consumados unha instalación que non vai traer ningún beneficio para o sector pesqueiro e acuícola, ao que non se consultou e coa decisión xa tomada e publicada no DOG, vir a dar unhas explicacións que non convenceron a ninguén. Estúa preguntouse cal é o papel do Parlamentario popular de Pesca e Tte. Alcalde de Cervo, José Manuel Balseiro que non parece ocupar o seu posto para defender os intereses da Mariña, nin sequera os dos seus veciños mais próximos.
O BNG rexeita as pretensións da Consellaría de Pesca e de non retirarse o proxecto defenderá esta postura no pleno municipal de Cervo
Estúa anunciou que o BNG prepara unha iniciativa que presentará, de non retirarse o proxecto, na que reclama deixar sen efecto a Orde de 28 de xullo de 2011 pola que se clasifica unha zona da ensenada de Morás para a depuración de bivalvos afectados por microorganismos patóxenos procedentes das Zonas B e C. Os nacionalistas consideran que non se pode consentir que na Mariña debamos pagar as consecuencias da ausencia de compromiso do goberno popular no saneamento das rías galegas, tampouco no propio concello de Cervo onde este proxecto non trae ningún beneficio, nin económico nin medioambiental.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
